3471/2024-2025
AIZAWL; the 11th December, 2024: Vawiin chawhma dar 10:30 khan DC conference Hall-ah Special District Consultative Committee (DCC), District Level Review Committee (DLRC) leh District Level Security Committee (DLSC) chu 1st Quarter (April-June) leh 2nd Quarter (July-September), 2024 tan neih niin, meeting hi Bawrhsap leh DCC/DLRC/DLSC, Aizawl district Chairman ni bawk Er.Lalhriatpuia, IAS in a kaihruai a ni.
Chairman Er. Lalhriatpuia chuan Banker kalkhawm te chu mipuiin an Bank-a pawisa deposit se tih an duh ang bawka, an ni pawhin mipui hnena Loan pekchhuah hre loh tura chahin, 60% aia hniam CD Ratio (Credit-Deposit Ratio=(Total Loans and Advances) / (Total Deposits) nei lo turin a chah hlawm a. CD ratio 40% aia hniam neih Bank 9 te chu an CD Ratio hniamna chhan te zawtin, tan la zual sauh turin a chah a. Mipui te tana hamthatna tur thilah chuan Banker te chu local condition hre thiam a, Dan bawhchhe si lova, a tulnaah chuan Dan chu pawt fan thiam ve tur pawhin a ngen hlawm a ni.
Line Department te leh Banker te chu thawhhona tha tak neih tur leh inlungrual taka Aizawl district hmasawn nan an hmazawn theuhva tih tur awm te tha hnem ngai taka thawk tura chahin, beneficiaries leh loanees thlan kawngah pawh fimkhur hle turin a chah hlawm a ni.
Vawiin meeting-ah hian Bawrhsap chuan NABARD buatsaih Line Department te leh Bankers te tana tangkai tak tur Potential Credit Linked Plan (PCLP) a tlangzarh nghal a ni.
Vawiin meeting-ah hian agenda 8 chhawpchhuah niin, Aizawl district chhunga Bank awm te Quarter 2(April-September,2024) liam ta chhunga an performance te thlir ho a ni a, CD Ratio hi 0.73% in a pung. Bank 9 in CD ratio 40% aia tlem an nei a. Bank 15 in an khum thung. India Bank chuan 462.00% CD Ratio neiin, CD Ratio nei sang ber a ni a, AXIS Bank in 11.02% neiin, CD Ratio nei tlem ber a ni.
Kisan Credit Card (KCC) hnuaiah mi 2264 hnenah Loan pek chhuah niin, loan amount hi cheng nuai ₹5331.05 a ni. Government Sponsored Schemes heng: RLM, NULM, PMEGP leh Stand Up India hnuaia Loan pek chhuah te,PMMY leh PMJDY hnuaia hmalakna te, Social Security Schemes: PMJJBY,PMSBY hnuaia hmalakna te thlir ho a ni.
