Vawiin chawhnu dar 1:00 khan Observation/Special Home Durtlang ‘N’ a mi Social Welfare Department enkawl lai chu Advance Christmas leh Pathian hnena lawmthu sawina Pu P.C. Lalthanliana, Social Welfare Minister in a hmanpui.
Pu P.C. Lalthanliana chuan thu sawiin he home hian a enkawltu sorkar hmingpu mahse helai a awmna veng Durtlang NGO leh mimal te Home thiantha tam tak an awm tih a hriat hian Department ang pawhin lawmthu a hrilh a. Home a awm naupang 28 te hnenah thu chahin fel tum lovin fel mai tur a ni. Kan tum vak chuan thil hi a harsa thin a, sual reng vang pawh ni lo a hum sual dai palh te pawh a awm theih a, sual tur hrim hrim a piang an ni bik hauh lo a ni a ti bawk. Home a awm tur awmlo khawpin khawtlang nun hi tun Lalthar lo piang tur malsawmna in Zoramah lo tha chho se tih a duh thu a sawi bawk.
Minister chuan tun sawrkar hnuaiah a chan Social Welfare Department hnuaiah naupangte enkawlna tur Scheme ICDS hnuaiah pawh hnathawktu officers leh staff thahnem tak lak fel mai tur an awm mek a, heng te hian hna a thawk thei thuai thei dawn a. Hma a sawn chho ngei ang tih ang tih a rin tlat thu a sawi.
Minister hian Home a naupang 28 te tan blanket thar pakhat theuh a hlan nghal a ni.
He hun ah hian Durtlang Pastor Rev. Z.D. Lalhmachhuana’n hunserh a hmang a. Minister hi Pi B. Sairengpuii, Secretary, Social Welfare Department leh Pi Vanlaldini, Diretor, Social Welfare ten an tawiawm a ni.
