792/2026-2027

Dated Serchhip, the 1st June 2026: Vawiin khan Special Intensive Revision (SIR) 2026 chungchangah Distirct Election Officer, Bawrhsap Pu Paul L. Khuma chuan Serchhipa chanchinbumite 'Press Briefing' a neihpui.

 Serchhip District Election Officer leh District Bawrhsap ni bawk  Pu Paul L.Khuma  chuan SIR 2026 kalpui mek chu Democracy innghahna lungphum pawimawh em em a nih thu sawiin, India khua leh tui, vote nei theite mi tumah hmaih an nih lohna tur leh, mi tumahin dan dik loa vote an neih lohna tura hma lakna a nih thu a sawi a. Enumeration Form thehlut lote chu Draft electoral Roll-a an chuan ve loh tur thu sawiin BLO ten Enumeration Form an sem mek chu mi tinin lo ngai pawimawh se a duh thu a sawi a.  Serchhip District chu Election hnuhung berah pawh vote tlak thatna ber district (84.9% ) an nih thu sawiin, India ram pum huap ang pawha lehkha thiam, ziak leh chhiar thiam sanna ber an nih angin, tuna SIR 2026 kalpui mekah pawh record tha tak nei tura thawh ho puiah thuthar  thehdartute chu a sawm a ni. 

Vawiin-a 'Press Briefing' ah hian Additional Deputy Commissioner Pi Dorothy Lalmuansangi pawhin SIR pawimawhzia sawiin, Census nena ngaih pawlh loh tur a nih thu te, mipui nawlpuiin an hriatthiam theih tura thu ziak hmanga thu thehdarh a pawimawh thute a sawi a; Election Officer Pi Lalchhanhim’n Serchhip district-a SIR kalpui chhoh tawh dan hrang hrangte tarlangin, Press mite hriattur pawimawh hrang hrangte a sawi bawk a, hriat thiam lohte inzawhna leh chhanna hun hman ho a ni bawk.