620/2026-2027

Dated : Mamit the 20th of May, 2026 : Vawiin khan DC Conference Hall, Mamit-ah Election Commission of India hmalakna Special Intensive Revision-Phase III kalpui meka hriattur pawimawh chu District Level Standing Committee hoa sawi niin Pu Suvigya S Chandra, District Election Officer chuan thutkhawm a kaihruai.

District Bawrhsap chuan he hmalakna kalpui mek hi a pawimawh a hotuten uluk leh fel taka kan kalpui a tul a, documents pawimawh te him taka enkawl leh ngaihven turin a chah a ni. Pu Suvigya S Chandra chuan he hmalaknaa mawhphurtute chuan ECI ina hun tiam a pek te chu ngaipawimawha harsatna an neih chuan Election Office hnena thlen hreh lo turin a chah bawk.

Pu Lalnunfela Chawngthu, Election Officer chuan SIR neih hnunhnun ber chu 2005 a nih thu sawiin 2005-a Electoral Roll-a chuang tawh te chu Booth Level Officer (BLO) ten thlunzawm hna an thawk mek a,kum 2005 hnulama Electoral Roll-a lut te pawh an nu leh pa emaw pi leh pu te hmangin thlunzawm an ni bawk tih a tarlang.

Election officer chuan SIR chungchanga hriattur pawimawh hrang hrang sawifiahna hun a hmang a, chungte chu:

1. Special Intensive Revision chu Electoral Roll dik leh felfai siam tur a Election Commission of India hmalakna a ni a. India khua leh tui dik tak, kum tling chin in vote an neih theihna tur a beihpui thlakna a ni. SIR, 2026-ah hian Electoral Roll thar hlak buatsaih a nih dawn avangin vote nei tawh zawng zawng inthun thar a ngai.

2. SIR Phase-III neih mekah hian ni 01.10.2025-a kum 18 tling chin electoral roll-a chuangte chu Enumeration Form print sak vek an ni. He Enumeration Form hi ni 30.05.2026 - 28.06.2026 chhungin BLO ten an sem vek ang a, Elector ten dahkhah ngai lai te an dahkhah hnuah BLO in a lakhawm leh vek ang.

3. SIR Phase-III neih mekah hian ni 01.10.2025-a kum 18 tling chin electoral roll-a chuangte chu Enumeration Form print sak vek an ni. He Enumeration Form hi ni 30.05.2026 - 28.06.2026 chhungin BLO ten an sem vek ang a, Elector ten dahkhah ngai lai te an dahkhah hnuah BLO in a lakhawm leh vek ang.

4. He Enumeration Form dahkhah hnua BLO te hnena thehlut te chauh hi Draft Electoral Roll ah an hming a chuang ang. Enumeration Form rual hian document engmah thil tel a ngai lo.

5. Electoral Roll-a awm tawh sa pawh ni mah se, Enumeration Form dahkhah BLO hnena a thehluh loh chuan Draft Electoral Roll-ah a hming a chuang ve lo ang a, Electoral Roll-a hming chuang tur chuan Claims & Objections hun chhungin (05.07.2026- 04.08.2026) Form-6 leh Declaration Form hmangin a thar in a bialtu Electoral Registration Officer hnenah dilna a siam a ngai dawn a ni. Draft Roll hi 5.07.2026 ah tarchhuah (publish) a ni ang.

6. Enumeration Form hi mahniin Voter Service Portal voters.eci.gov.in atangin thehluh theih a ni bawk.

7. SIR ah hian ni 01.07.2026-a kum-18 tling chin ten Form-6 leh Declaration Form hmangin ERO hnenah BLO kaltlangin dilna thehluh theih a ni a, siamthat ngai (Correction) leh insawn (Shifting) dil duh chuan Form-8 leh Declaration Form hmangin dilna an thehlut thei bawk ang. Paih ngai (Delete) tur te chu Form-7 hmanga thehluh tur a ni. Hemi rual hian proof documents (Annexure) ami ang hian thil tel tur a ni. Dilna te hi Voter Service Portal voters.eci.gov.in atangin thehluh theih a ni bawk

8. Dilna lut te hi ni 05.07.2026 - 02.09.2026 chhungin ERO ten an chingfel ang.

9. 10. Final Electoral Roll hi ni 06.09.2026 ah tarchhuah (publish) tur a ni ang.

10. Political Party te nen thawhhona tha leh changtlung zawk kan neih theih nan, Mamit District huam chhunga Recognized Political Parties - BJP, INC, MNF leh ZPM ten polling station zawng zawngah Booth Level Agent ruat vek tur a ngen leh hriattir an ni.

Election Officer SIR Phase III kalpui mekah hian Bialtu BLO te tha taka lo thawhpui tur leh ngaipawimawh turin political party,NGO leh mipuite chu a ngen a. 2005 electoral roll leh tun electoral roll a awm thlunzawm hna chu Mamit district-ah kalpui mek zel a ni a, 90.94% thlunzawm(mapping) tawh niin

Hachhek AC- 88.99%

Dampa AC- 94.69%

Mamit AC - 89.61% te an ni.

Press Note - SIR, 2026 (Mizo) (1).pdf