Vawiin khan Agriculture Conference Hall-ah ni thum awh tur ‘Special Rabi Campaign 2009’ chu tan a ni. He Rabi Campaign hi kumin chhunga ruahtui tlak mumal loh (Erratic Monsoon) avanga kuthnathawktute harsatna sutkianna atana Central Sorkar ruahman a niin thlasik thlai ching uar tura inzirtirna a ni a, hmun hrang hranga kuthnathawktu 120 te chu Agriculture leh Horticulture Scientist-ten zirtirna an pe a ni.
Special Rabi Campaign 2009 hawnna inkhawm hi Pi L. Tochhong, Principal Secretary, Agriculture Department chuan kaihruaiin Pu H. Liansailova, Agriculture Minister chu khuallian a ni a, Pu P. Bhattacharjee, Director of Agriculture (Crop Husbandry) te, Dr. O.P. Singh, Director of Agriculture (Research & Education) leh Pu C. Lalzarliana, Joint Director of Agriculture leh Pu C. Lalniliana, Joint Director (MMA) te an tel.
Khuallian Agriculture Minister chuan kuthnathawktute leh Department-a thawktute fuihin, “Tunhma chuan chemtum leh tuthlawh ringawt hmang pawhin kan pi leh pute kha an lo intodelh im em thin a, hetianga zirtirna leh hmanraw tha an dawng ngai lo. Zirtirna tha leh hnathawhna hmanraw tha engkim neitute kan ni tawh a, kan hlawhtling ngei tur a ni.” a ti. NLUP chungchang sawi langin, “Sorkar ruahman anga NLUP hi kan hlawhtlinpui lo a nih chuan thil tha dang chherchhuah leh a har hle ang,” a ti bawk.
He Special Rabi Campaign hi ni 17th December, 2009 (Ningani) a zawh fel tura ruahman a ni.
Khuallian Agriculture Minister chuan kuthnathawktute leh Department-a thawktute fuihin, “Tunhma chuan chemtum leh tuthlawh ringawt hmang pawhin kan pi leh pute kha an lo intodelh im em thin a, hetianga zirtirna leh hmanraw tha an dawng ngai lo. Zirtirna tha leh hnathawhna hmanraw tha engkim neitute kan ni tawh a, kan hlawhtling ngei tur a ni.” a ti. NLUP chungchang sawi langin, “Sorkar ruahman anga NLUP hi kan hlawhtlinpui lo a nih chuan thil tha dang chherchhuah leh a har hle ang,” a ti bawk.
He Special Rabi Campaign hi ni 17th December, 2009 (Ningani) a zawh fel tura ruahman a ni.
