3249/2022-2023

Aizawl 13th January 2023: Election Commission of India thuchhuak angin Mizoram pumah Photo Electoral Rolls Special Summary Revision, 2023 neih a ni a, Final Electoral Rolls chu Dt. 13.01.2023 hian mipuite en theih turin tarchhhuah a ni. Aizawl District-dinhmun chu hetiang hi a ni:-

1. Aizawl District-ah Assembly Constituency 12 a awm a, Dt 09.11.2022 – 08.12.2022 chhung khan hming thunluh ngai, paih ngai leh siamthat ngaite tan dilna hun hawn a ni a, heng dilna lutte hi ERO/AERO ten a hmunah kalin enfiahna neih a ni.

2. Tun tum Final Photo Electoral Rolls-a Elector awmzat chu phek hranin Annexure I ah thil tel a ni.

3. Final Electoral Rolls, 2023 atanga thil chhinchhiahtlak deuh te lo tarlang ila:

a) Aizawl District ah hian Voters 280874 awmin mipa 131683 leh hmeichhia 149191 an ni a, mipa aia hmeichhia an tamna chu 17508 a ni.

b) Draft Photo Electoral Roll atanga Final Photo Electoral Roll a Voter punna chu 4217 (1.52%) a ni. 20-Aizawl South-III (ST) AC ah voter punna percentage a sang ber a 2.49% a ni, 18-Aizawl South-I (ST) AC ah 0.54 % voter punna niin a hniam ber a ni.

c) Aizawl District chhunga Voter tlemna ber Polling Station chu 7/26-Chhanchhuahna Polling Station niin Voter 96 an awm a, Voter tamna ber chu 19/11-ITI Veng-V Polling Station niin Voter 1455 an awm.

d) Aizawl District-ah EPIC 100% coverage neih a ni (Roll a chuang zawng zawngte EPIC issue vek an ni).

e) Aizawl District huam chhunga Assembly Constituency 12-ah hian Polling Station 318 a awm a, average-a lakin Polling Station pakhat zelah Elector 883 awm ang an ni.

f) Aizawl District huam chhunga Assembly Constituency 12-ah hian Service Voter 1781 an awm a ni.


4. Special Summary Revision of Photo Electoral Rolls, 2023 hi tluang tak leh hlawhtling taka kan neih theih nan a fimkhur tak leh thahnemngai taka thawktu ERO, AERO leh BLO, Local Council, V/C, Political Parties, tlawmngai pawl hrang hrangte leh Media te chungah lawmthu kan sawi.

5. Aizawl District chhunga ERO leh AERO te hming leh Contact No. chu lehkha
phek hranin Annexure II ah thil tel a ni.

6. Election Commission of India-in ruahmanna a rawn siam angin, mi tupawh Final Electoral Rolls hi lei duh chuan a soft copy (without photo) Rs. 100/- in leh a hard copy phek 1 Rs. 5/- zelin lei theih a ni. Amaherawhchu hard copy lei duhte chuan sawi lawk hmasak tur a ni a. A phek duh lai chauh lei theih a ni lo.