Department of Sports and Youth Services (SYS) enkawlna hnuaia awm, Sports Hostel Building, Chite enkawl zel dan tur chungchang sawihona vawiin chawhnu khan Sports Minister Pu Zodintluanga hovin Sports Minister Office chamber, New Secretariat Complex-ah neih a ni.

Meeting chuan Chite-a Sports Hostel Building enkawl hna chu Department of Sports and Youth Services hnen atanga Mizoram State Sports Council (MSSC) kuta hlanchhawn nise tiin a rel a. A cheibawl leh enkawl zui zelna leh hman tangkai dan turah pawh sawrkar pawmpui Sports Association hrang hrang hmunhma la nei lote nen inbe rema rel fel nise a ti a. Hostel-a awmtur te tihfel a nih veleh pangai taka chhawr tangkaia luah lum vat nise tiin rel a ni.

Vawiin meeting-ah hian Pu HL Rochungnunga, Secretary, SYS; Pu C. Laltlanthanga, Secretary MSSC; Pu Zothanmawia, Director SYS; SYS Department leh MSSC lama hotute an tel a ni.