Nimin khan Sports Minister Pu Zodintluanga'n Rajiv Gandhi Stadium, Mualpui a mi a tlawh a. PWD Minister Pu Lal Thanzara leh Minister Pu C. Ngunlianchunga pawh stadium sak hna endikna ah hian tel in PWD Engineer te leh Architech te'n an hmalak dan an lo hrilh a ni.

Sports Minister chuan Indian Premier League football match thlen theihna tur khawp a tha in hna kalpui a tul thu he stadium sak hna thawktute chu a hrilh a. Stadium sak hna viltu PWD Engineer te hian nakum kum tir a sak zawh hman tura ruahmanna awmsa ni mahse hnathawh a kaltluan zel chuan kum in December thla chhung chuan stadium sak hna hi zawh hman a beisei awm a ni an ti.

Sawrkar hotute tawiawmtu MFA hruaitute leh IPL khel tura in pet tling, Aizawl Football Club (AFC) neitu te pawh in stadium facility zingah inthiarna leh inbualna tha tak ngaih pawimawh ber ni se an ti a. An sawi dan chuan India Football thuneitu sang in ngaihthiamna nen he facility hi pawm thei mahse thuneitu sang zawk Asia khawmualpui football thuneitu in a duh khirh tih kan hriat a ngai tiin stadium sa tu te chu an hna uluk turin an ngen a ni.