Vawiin chawhnu dar 1:00 khan Sports minister Pu.Zodintluanga'n Saikuti Hall chhawng thumna ah Shooting Gallery a hawng. He Shooting Gallery ah hian 10Meters air rifle leh air pistol vawi khata mi 8 in silai an kah theih na shooting range leh electronic target changer 8 bak ah Spectator Gallery a awm nghal ani. Shooting Gallery hawnna ah hian Paliamentary Secretary Pu S.Laldingliana, HPC Vice Chairman Pu Joseph Lalhimpuia, Lunglei DC, Pi M.Zohmingthangi IAS leh Mizoram Rifle Association a Patron nimek Pu LalramthangaTochhawng IA&AS, Accountant General Mizoram bakah silai kah lama tui mi thahnem tak an tel.

Minister chuan silai kah ah mizo ten talent kan neih that thu a sawia hun reilo te chhung a Mizoramin National Level a tel phak shooter 4 lai leh International shooter 1 kan lo nei ta reng chu a chhuanawm hle a ni a ti. Minister chuan sawrkar tanpuina chu thawk tha leh tanpui tlak te tan chuan beisei awm a ni reng a ni a ti. Tumruhna leh taimakna nen a infiam miten hma an lak chuan sawrkar pawh tanpuina ngaihtuah kawngah a hnung tawlh a rin loh thu a sawi.

Shooting Gallery hawnna Programme hi Pu Lalchawimawia President, Lunglei District  Rifle Association (LDRA) in a kaihruai a, Pu Joseph Lalhimpuia, Vice Chairman HPC leh MRA hotuten thu sawina hun an nei bawk. LDRA hian bungrua leh suma tanpuina sawrkar leh MRA a tang te in a dawng nual a, Rs. 4,90,500/- Shooting Gallery sawrkar senso a tan leh Catch Them Young T-Shirt bakah bungraw thenkhat LDRA hian Sports Minister, Parliamentary Secretay, Vice Chairman, HPC leh MRA hruaitute kal tlang in a dawng ani. LDRA hruaitu te chuan a rang lamin Catch Them Young Policy kapuiin naupng thahnem tak silai kah zirtirna kalpui an tum thu an sawi. Coaching petur hian International Shooter T.Lalhriatpuia leh National Shooter Aruna Devi te a ruai nghal ani. Vawiin Shooting Range hawnna ah hian Mizoram aiawh a National Games a silai kap thiam Felina Lalrinthari leh Malsawmfeli ten kal khawm te silai kah dan an entir a, chawhnu lamah shooting competition buatsaih nghal a ni.

Team 7 an in elnghal a shooting Competition ah hian Sports Minister Team MRA team, MJA Lunglei Team,  LDRA Team, 96th Bn. BSF, ADRA Team leh Zauva SC Team ten silai kah thiam ber nih an in chuh a ni.