No.2850/2021-2022

Aizawl, 2nd November, 2021: Swarnim Vijay Varsh lawmna kal mek puala Assam Rifles ten an buatsaih Football Championship Final Match chu vawiin khan Lammualah khelh a ni a. Sports Minister Pu Robert Romawia Royte-in a hmanpui a ni.

Khuallian Pu Robert Romawia chuan kum 1971 Indonaa India sipaite huaisenna leh chakna khan nasa takin India a chawisanga, nunna hlu tak hlantute leh sipai huaisen zawng zawngte zahna ka hlan thar leh a ni a ti. Assam Rifles ten mipui te nen inlaichinna tha siam tura sports inelna leh kawng hrang hranga hma an lak ?hin dan chu fakawm a tih thu sawiin chhunzawm zel turin a fuih bawk a ni.

Pu Robert Romawia chuan India ram hmun zau zawk leh Mizoram dawh zawmtu pawimawh chu football leh sports hi a ni, tiin nakum 2022 National Games atan kumin Santosh Trophy hi a qualify theihna kawng a nih avangin nasa taka tan la turin MFA leh Players te chu a fuih a. Sports Deptartment, Assam Rifles leh ADFA/MFA te tang tlanga naupangte puala Holiday Football Program neih a duh thu pawh sawiin, naupang te te ten exercise laa thlan tla khawpa a huhoa an nuam tihzawng tak Football hmanga an taksa mumal taka an sawizawi chu National Education Policy 2020 duh dan a ni a, hripui leng a ziaawm veleh bul tan tum ni se, tiin a sawi.

Vawiina football final match-ah hian MFA Red leh MFA Yellow Team te intumin MFA Yellow ten penalty-ah goal 5-3 a hnehin an champion a ni.

He hunah hian Brig Digvijay Singh, Sena Medal, Commander 23 Assam Rifles te, AR Officers te leh MFA hotute an tel a ni.