No.2871/2021-2022

Aizawl, 3rd November, 2021 : Vawiin khan Pu C.Hrangthianga LADC EM i/c Sports leh Pu Andrew Laltlanzara LADC EM  i/c Education(M/S) te chuan Sports Minister Pu Robert Romawia Royte chu a pisa-ah hmu in LADC Area huam chhungah infiamna leh infiamna hmunhma tih changtlunna tur chungchang an sawiho a ni.       

Minister chuan Pu Andrew-a bial Chawngte P ah Rs 140 Lakh a CSC sak tan thuai tum a nih thu leh infiamna ruhrel buatsaih nan Rs 100 lakh chuang PMJVK atanga ruahman a nih thu a lo hrilh a. Lawngtlai East Bialtu MLA Pu H.Biakzaua tan lakna in Pu C.Hrangthianga EM i/c Sports LADC bial chhung Lawngtlai College Vengah Rs 3461.70 kakh senna tur Residential Sports School sak mek a nih thu leh Rs 246 lakh senna tur Community Centre pawh Chawnhu-ah sak tum a ni tih a sawi bawk a. Hei bakah hian Rs 5019.43 lakh senna tur Lawngtlai District Sports Complex atana 50% sum release pawh Mizoram sorkarin a dawn tawh thu a hrilh a ni.      

Sports Minister chuan Lawngtlai East Bialtu MLA Pu H.Biakzaua rawtna angin Lawngtlai Vengpui Field ah phullem phah hna tan thuai tum anih thu leh Lawngtlai khawpui thalaite mamawh em em Futsal ground changtlung tak pawh Lawngtlaiah siam tum a nih thu a hrilh bawk.      

Sports Minister hova meeting chuan hripui reh hun remchangah LADC leh Sports Department bul tuma Lawngtlaiah LAI CUP Football buatsaih tura hma lak an rel a.

Minister chuan LADC sorkar thuneitute chu an areaa Department hmalakna lo enpuia ngun taka lo vil tlat turin a ngen a ni.