52/2022-2023
Aizawl, the 5th April 2022: Mizoram State Sorkar Notification No.B.12021/10/04-TRP Dt.22.8.2008 leh Section 115&117 of MV Act, 1988 in thuneihna a pek angin leh Vaivakawn Local Council leh SIPMIU thuneitute nen inbiakna angin Pu Rodingliana Chawngthu, Sr. Superintendent of Police Traffic, Aizawl chuan a hnuai a mi ang hian thupek a chhuah.

SIPMIU (NERCCDIP), Aizawl ten Vaivakawn Traffic Point atanga Vaivakawn Hunthar peng inkara Tui Pipe lian phum hna an thawh avanga ni 4.3.2022 (Thawhtanni) atanga kawngpui chanve khar (partial road block) tura thupek lo chhuah tawh chu mipuite tan harsatna thlen reilo thei ang ber leh chak zawk a hna thawh anih theih nan ni 7.4.2022 (Ningani) atang hian chhun leh zan ah hna an thawh dawn avangin helai kawngpui hi khar (full road block) ani dawn tih Mipuite kan in hriattir a ni.

He thupek hian hna thawh zawh a nih hma chu a huam ang. Tin, hnathawh tibuai thei turin hnathawhna huam chhung kawngpui sirah lirthei leh bungrua engmah park/dah phal a nilo.

He thupek hian chhiatrupna thil; kangmei leh emergency kaihhnawiha duty, Dan leh Thupek pawimawh bika Duty-te chetvelna a huam lo ang.