No.1158/2020-2021
STANDARD OPERATING PROCEDURE FOR SOCIAL DISTANCING-converted.pdf
'Social Distancing' hi mi zinga kan awma inhlat tawk taka awm, 'Physical Distancing' a ni ber a. Chu chuan hnathawhna leh veivah velna zawng zawngah midang nena inhlat tha tawk taka awm hi a kawk a ni. COVID-19 hri kai theihna - taksa insik, khuh, hahchhiau, chil per leng vel, etc. atanga kan him theih nan midang nen meter hnih tala inhlata awm a tul. Lockdown zawh hnu pawhin fimkhur zui a la ngaih viau avangin social distancing hi la hman zui zel a tul em em a ni.
Sawrkar, pawl leh mimal ofice hrang hrang, sumdawnna leh thil siamna hmun, in leh lo dinna hmanraw lakna hmun hrang hrangte leh ei leh in zawrhna hmuna inkaihhruaina chu a hnuaia tarlan ang hi a ni.
1.SAWRKAR OFFICE, PAWL LEH MIMAL OFFICE TE:
a) Head of Department/Head of Office ten khauh takin pisa chhungah social distancing an kalpui tur a ni. Midang nena indawrin hmai tuamna hman ngei tur a ni.
b) Head of Department/Head of Office tin te chu office vawn fai leh tih thianghlim kawngah mawhphurtu an ni ang a, ofice chhungah kut silna hmanrua (tui, sahbawn/handwash) an buatsaih ngei ngei tur ani. Tin, office gate kawtkaiah kut silna tur emaw hand sanitizer emaw an dah ang a, office building lut tur reng rengin kut an sil vek tur a ni.
c) Office chhungah phalna la hmasa lovin pawnlam mi dawrtu luh tir loh tur a ni.
d) Head of Department/Head of Office ten an office-a lirthei leh bungrua, pawn lam atanga lo lut te chu tih thianghlim (sanitize/disinfect) dan tur an phak tawkin an ruahman ang.
e) Office building leh a chhehvel, a hnuaia tarlan te hi uluk takin tih thianghlim (disinfect) thin tur a ni ang:
i. Office luhka, office kawt leh chhehvel, office building
ii. Office canteen
iii.Meeting room, conference hall, verandah, etc
iv. Bathroom leh inthiarna (Toilet)
v. Office building bang, step leh step vawnban te.
f) Office bus leh sawrkar lirthei, statf te office kalna atana ruahmanah, registration certificate a seat awm zat chiah passenger phurh tur a ni ang. Driver leh a phurh ten hmai tuamna an hmang vek tur a ni.
g) Office hnathawk, damlohna nei sa emaw hrisel lohna bik nei leh nau paite, office kal thei lo te chu chawlh (Commuted Leave) pek an ni ang
h) Tul bikah lo chuan meeting neih loh tur a ni. A huhova inrawn/sawiho ngai thil a awm a nih chuan a theih chin chinah video conferencing leh online mode dangte hman tangkai hram tur a ni
i) Department emaw office dangte nena indawr tulna thilah chuan email emaw electronic media dang hman hram tur a ni.
j) Bill eg. electric, tui, phone bill, etc. pekna hmunah te tum khatah mi an pun khawm teuh loh nan ruahmanna fel takin siam tur a ni. Online-a bill pek uar ni se.
k) Mipuiin Sawrkar Department-te ral khat atanga an dawr theihna'n Department tinin Information Technology an hmang tangkai tur a ni Hemi atan hian a tul angin ICT Department-in hma a la ang
l) Hnathawktute chu chhunah office canteen-a chawl rual vek lova, a inchhawka an chawlh/ei dan tur ruahmanna siam bawk tur a ni.
2. BAZAR, DAWR LEH SUMDAWNNA HMUN TE
a) Bazar, dawr leh hmundanga kal tur reng reng chuan (face mask emaw hmanraw dang hmangin) hmai an tuam ngei ngei tur a ni.
b) Mi 3 aia tamin dawr pakhat an nghak tur a ni lo.Dawr nghaktu ten face mask an hmang reng tur a ni. Faina, a bik takin kut sil fai, an uar tur a ni.
d) Dawr neitute'n (dawrtu te inhlat taka an awm theih nan) dawrtu turte dinna tur, meter hnih kar danah an rin lawk tur ani. Dawr chhungah pawh meter hnih a inhlatin an awm tur an ni.
e) Thlai leh chawhmeh dang zuar ten an thil zawrh te fai takin an enkawl tur a ni a, thil zuar reng rengin hmai an tuam ngei tur a ni.
l) Thlai, thei leh sa zawrhna, VLTF/LLTF te'n an ruahmanna-ah mipui an inhnaih chilh loh nan mipui dinna tur meter hnih danah an rin tur a ni. A tul angin bazar hmun bik kher nilo school kawt zawl, inkhelhna field tual leh hmun remchang dang te pawh a tul anga ruahmanna siam ani ang.
