No.1431/2020-2021
Mizoram mi leh sa, ram pawna tangkhang mek Io haw tur thahnem tak an awm avang leh Sawrkar quarantine facility te’n a dawl zo dawn lova a lan avangin, Mizoram Sawrkar, Disaster Management & Rehabilitation Department chuan Order No.B.13021/109/2020-DMR/Pt.III dated 25.05.2020 hmangin — Local Council leh Village Council zawng zawngte hnenah an veng/khua-a Community Quarantine Facility tur pakhat tal Io ruahman ve turin a hriattir a. Chutiang chuan Kohhran hall remchang angte, veng chhung sikul leh YMA hall te chu Community Quarantine Facility (CQF) atan ruahman mek an ni.
Heng Community Quarantine Facility (CQF) te enkawl dan tur tlangpui chu a hnuaia inkaihhruaina ang hi a ni ang:
1. District tina Deputy Commissioner te remruatpuina hnuaiah Local Level Task Force/Village Level Task Force te’n an veng chhunga CQF-te an enkawl ang.
2. Faina leh thianghlimna kenkawh chungchangah a enkawltu LLTF/VLTF ten ruahmanna fel tak an siam ang.
3. Dahhran turte Io thlen hma in fai taka buatsaih phawt tur a ni ang a, ’social distancing’ a awm theih nan an mut dan tur ruahmanna fel tak siam tur a ni ang. Mutna tur leh inthiarna (toilet) awmdan azirin awm thei tur zat (capacity) ruahman tur a ni.
4. LLTF/VLTF-te ruahmanna hnuaiah CQF-a awm turte mutbu leh mamawh dang chu an chhungte’n an to dah lawk vek ang.
5. Ni 14 dah hran an nih chhungin midang awm ve te nen room khata an awmho a nih loh chuan inlen pawh loh tur a ni a, room khata awmho te pawhin uluk takin ‘social distancing’ an zawm tlat tur a ni.
6. CQF-a awmte chuan chhungte emaw pawn lam mite tlawh khap tlat a ni a, mamawh tul zual inpek a ngai a nih pawhin LLTF/VLTF duty-te kaltlang chauha inpek tur a ni. Tin, dahhrante chu pawn chhuah phal an ni lovang.
7. CQF ah lut (admit) leh chhuak (discharge) te chhinchhiahna register fel tak vawn tur a ni. LLTF/VLTF ten an bialtu Incident Commander/Zonal Officer te hnenah a tul angin nitin report an pe thin ang.
8. CQF-a dahhran zawng zawngte hian an mobile phone-ah ‘Aarogya Setu’ leh mCOVlD-19 mobile application install-in an in-register vek tur a ni.
9. LLTF/VLTF duty-te pawh fimkhur takin mask vuah chung in social distancing protocol an vawng tlat tur a ni.
10. CQF-a ei leh in hi kohhran emaw khawtlang emaw chhungkua emaw mimal leh tlawmngai pawl ten an tum sak a nih chuan thil lawmawm tak a ni ang a. Amaherawhchu, LLTF/VLTF-te kaltlanga ruahmanna siam tur a ni ang. Ei leh in tum saktu nei remchang Io an awm a nih chuan LLTF/VLTF ten an bialtu Incident Commander/ Zonal officer hnenah hriattir tur a ni ang.
11. CQF-a awmte hrilselna enzui dan chungchangah bialtu Chief Medical Officer te’n ruahmanna an siam ang.
12. Dahhrante’n an quarantine hun chhung an zawh a, an chhuahfel hnu in CQF chu 1% sodium hypochlorite hmanga then thianghlim tur a ni. Chumi hma chu midang dah luh loh tur a ni ang.
13. CQF-a bawlhhlawh sawngbawl chungchangah chuan municipal area-ah Aizawl Municipal Corporation in ruahmanna a siam ang a, census town-ah chuan District Urban Development Officer (DUDO) emaw DPO-in ruahmanna an siam ang. Hmun dang zawngah chuan Village Health & Sanitation Committee-in ruahmanna an siam ang.
14. CQF-a awmte zingah damlo an awm chuan rang takin medical dutyte emaw medical helpline (102/2318336/2323336) ah hriattir tur a ni.
15. Veng/khaw inthenawmte'n CQF te a hlawk thei ang bera (optimum capacity utilization) an hman theihnan inremsiamna an nei thei ang. Hetiang tur hian VLTF/LLTF tin te inring tura beisei an ni. Chutiang chu a tul a nih chuan Deputy Commissioner/Executive Magistrate te’n ruahmanna an siam ang.
