No.4983/2020-2021

Vawiin chawhma khan Chief Medical Officer Quarters Compound Kolasibah “Vaihlo leh Covid-19” tih thupui hmangin State Anti-Tobacco Day Vawi 7-na pual a vaihlo leh a kaihhnawi man khawm tihchhiatna hun hman a ni a, Dr. RK Lalthlamuana, Senior Medical Officer, Kolasib District chu khuallian a ni.

Dr. RK Lalthlamuana chuan, Kan tunlai boruakah Covid-19 avangin vaihlo dona kawngah hmalakna duh anga kalpui a theih loh thu a sawi a, Mizoramah phei hi chuan covid avang boral tumah anla awm loh laiin vaihlo leh a kaihnawih avanga harsatna tawk mek leh nunna chan anla awm belh zel thu a sawi a, hemi avang hian Covid-19 hrileng do chungin zuk leh hmuam pawh do chhunzawm a pawimawh thu a sawi a ni. SMO chuan,”Mi tam tak thihna thlentu chu zuk leh hmuam hi a ni a, Global Adult Tobacco Survey – I (GATS-I) hi kum 2009-10 khan neih niin India rampumah Mizoram chu vaihlo hmang tamna ber State kan ni,” a ti a,” Hetih lai hian Mizoramah hian mi za zela 62 vel hi zuk leh hmuam ti ang a chhut kan ni a, 2016-2017 ah khan Global Anti-tobacco survey-II (GATS-II) hi neih niin Mizoram chu pahnihna kan ni mek a ni,” a ti. Dr RK Lalthlamuana chuan tun dinhmunah Mizoram mipui za zela 58.7 hi zuk leh hmuam ti ang a chhut a nih thu tarlangin, Kolasib District Anti-tobacco Cell zirchianna atanga a lan dan chuan zuk leh hmuan tih\anna chu a ruk vek a ti annih thu a sawi a. Hemi atang hian zuk leh hmuam hi thil \hal lo a ni tih a ti lang chiangin chhungtin ten \hangthar zawkte zuk leh hmuam \hat lohzia leh ti lo tur a kan inzirtir ngun a a pawimawh thu a sawi.

District Tobacco Control Cell hian April 2019 - March 2010 chhung khan School-ah programme 73 neiin, District Tobacco Cell leh a thawhpuite nen hian training vawi 10 an buatsaih tawh a, Awareness Programme hi tum 19 neiin, Anti-tobacco Squat (ATS) drive hi \um 69 an lo nei tawh bawk a ni. Mi 42 hrem an ni tawh a, heng mite a\ang hian Rs. 4840 chawitir an ni. Cigarette bawm 314 leh pack 14, cheroot 180, Shikhar bawm 32 leh packet 55 man niin mi 303 counseling pek an ni tawh bawk a ni.

Vawiin hian cigarette 145 carton leh 3 packet, Rs. 50,750/- man leh Shikhar bawm 32 leh 52 packet Rs. 12,300 man hu tih chhiat nghal a ni.

He hun hi Dr. C. Vanlalhlimpuia, DNO, NTCP in kaihruaiin, Dr Doris Lalnunmawii Sailo, DMS leh District Anti-Tobacco Squat memberte, Legal Metrology Department atangte leh Thutharlakhawmtuten an telpui a ni.