Vawiin chawhma dar 11 khan Pu R. Lalzirliana, Minister Home etc. chuan Seling-ah Mizoram-a State Bank branch 22 na chu khuallian niin a hawng. Hetah hian Col S. Papranabis, Commander 24 BRTF he bank hmun petu chu khual zahawm atan hman a niin Pu Rajeev N. Mehra, General Manager (N-II) State Bank of India Local Head Office, Guwahati chuan inkhawm a kaihruai.
Pu R. Lalzirliana chuan thu sawiin Mizoram khaw 800 chuang awmna ah a ma bial chhung Seling a State bank Branch 22 na hawn a lo ni ta chu lawmawm a tiin bial mipuiten hmasawnna nasa tak an neih phah theih thu a sawi a. “Kan bial hi mi taima bial kan ni a, tunah hian sorkar tharin hma a lak mek NLUP Rs. nuai khat a sem turte pawh hi tangkai taka he bank kaltlang hman in tum ang a, Rs. nuai khat dawn hunah pawh he bank ah hian a himna turin leh a hlawk nan dah lutin bank atang hian Rs. 50,000 dang loan man tlawm chi lak theih dante pawh ruahmanna siam tum a ni” a ti.
Pu Zira chuan bank hotute hnenah ngenna siamin SBI hnathawk Mizoram hmun hrang hrang ami ten sumdawng an ni tih an hriat loh fo thin avangin anmahni dawr tute an ngaihsak tha thin lova, hei hi mipui leh dawrtute tan leh bank tan pawh a chhawr nahawm lo a ni. Chuvangin an dawr tute chu tha taka lo chiauau thin turin a duh thu a sawi a, chutiang bawkin sorkar hnathawk mipuiin an dawrte pawhin mipui mamawhte hriatpui a ngaihsak turin a chah bawk.
SBI Gen. Manager Pu Rajeev chuan India ramah bank 12000 vel a awm a, Mizoram chuan branch 22 kan lo nei ve ta hi a lawmawm a ni, a ti a. Heng bank te hi tih changtlun chhoh zel tura ruahman a ni a, mobile banking leh core banking te pawh hman theih thuai beisei a ni a. Seling atangin Aizawl-ah kal ngai lovin ATM hmangin pawisa lakchhuah leh dah luh theih a ni dawn tih a sawi.
Vawiin bank hawnna ah hian Minister Pu R. Lalzirliana chu 1st A/C Holder nihna pek a ni a. Nl. Zaithansangi chu HSLC leh HSSLC Hindi-ah 1-na anih avangin SBI Talent Award pek a ni. Vawiin vek khan Agriculture Term Loan (piggery) mi 7 hnenah Rs. 50,000 theuh loan pek nghal an ni.
Pu J. Vaikhum, ADM, SBI chuan lawmthu sawiin Mizoram sorkar nen mipui tana tha tur in theih tawp an chhuah zui zel dawn tih a sawi.
Pu R. Lalzirliana hi Parliamentary Secretary Pu Lalrinmawia Rate, MLA; Official leh Journalist engemaw zatin an tawiawm a ni.
Pu Zira chuan bank hotute hnenah ngenna siamin SBI hnathawk Mizoram hmun hrang hrang ami ten sumdawng an ni tih an hriat loh fo thin avangin anmahni dawr tute an ngaihsak tha thin lova, hei hi mipui leh dawrtute tan leh bank tan pawh a chhawr nahawm lo a ni. Chuvangin an dawr tute chu tha taka lo chiauau thin turin a duh thu a sawi a, chutiang bawkin sorkar hnathawk mipuiin an dawrte pawhin mipui mamawhte hriatpui a ngaihsak turin a chah bawk.
SBI Gen. Manager Pu Rajeev chuan India ramah bank 12000 vel a awm a, Mizoram chuan branch 22 kan lo nei ve ta hi a lawmawm a ni, a ti a. Heng bank te hi tih changtlun chhoh zel tura ruahman a ni a, mobile banking leh core banking te pawh hman theih thuai beisei a ni a. Seling atangin Aizawl-ah kal ngai lovin ATM hmangin pawisa lakchhuah leh dah luh theih a ni dawn tih a sawi.
Vawiin bank hawnna ah hian Minister Pu R. Lalzirliana chu 1st A/C Holder nihna pek a ni a. Nl. Zaithansangi chu HSLC leh HSSLC Hindi-ah 1-na anih avangin SBI Talent Award pek a ni. Vawiin vek khan Agriculture Term Loan (piggery) mi 7 hnenah Rs. 50,000 theuh loan pek nghal an ni.
Pu J. Vaikhum, ADM, SBI chuan lawmthu sawiin Mizoram sorkar nen mipui tana tha tur in theih tawp an chhuah zui zel dawn tih a sawi.
Pu R. Lalzirliana hi Parliamentary Secretary Pu Lalrinmawia Rate, MLA; Official leh Journalist engemaw zatin an tawiawm a ni.
