155/2022-2023
Aizawl the 13th April, 2022: Vawiin khan State Bank of India chuan an Corporate Social Responsibility (CSR) atangin medical equipment cheng nuai 96.98 man hu a tul anga hman turin Chief Minister Pu Zoramthanga hnenah CM office ah an hlan. H&FW Department hnenah pek nghal a ni.

Chief Minister chuan mipui tana tangkai tur SBI in thilpek an hlan chu lawmthu sawiin, a hma pawha hetianga puihna tangkai tak tak an lo pe tawh thin chu lawmawm a ti a. Thilpek hlantu Chief General Manager NE Circle, SBI Pu RS Ramesh chuan CSR kaltlanga mipui hriselna enkawlna lam a theih ang anga khawtlang tana hmalak zel chu an ngaihpawimawh thu a sawi bawk.

Health &Family Welfare Department Principal Director Pu F. Lallianhlira pawhin COVID-19 hrileng chu a la reh tak tak loh avangin test kit thahnem tak dawn a ni chu lawmawm a tih thu a sawi bawk.

SBI thilpek te hi: (i) Viral transport medium (RTPCR test kit) - 47,500; (ii) RAgT test kit - 48,000 leh (iii) Truenat Quattro PCR machine - 2 nos. te a ni.
SBI thilpek te hi: (i) Viral transport medium (RTPCR test kit) - 47,500; (ii) RAgT test kit - 48,000 leh (iii) Truenat Quattro PCR machine - 2 nos. te a ni.