468/2025-2026

Dated Kolasib the 6th May, 2025: State Commission for protection of child right , Mizoram chuan an Chairman, Pu Jimmy Laltlanmawia hovin Kolasib an tlawh a, vawiin chawhma khan Kolasib DC conference Hall ah Pu Robert C Lalhmangaiha, Kolasib DC, kaihhruaina hnuaiah District Child Protection Committee te leh sawmbik mi pawimawhte nen an thukhawm nghal a ni.

He hunah hian Kolasib DC Pu Robert C Lalhmangaiha chuan thu sawiin, naupangte chu nakina kan ram hmathlir leh kan khawtlang leh ram hruaitu la ni turte an ni a. Puitling ni tura an than chhohna kawngah uluk taka dawm an ngai a, chumi atan chuan sawrkarin an aiawh a ding tura a ruat kalkhawmte an nih thu sawiin an hna pawimawh zia hria a theihtawp chhuah turin kalkhawmte chu a ngen a ni.

DC chuan State level Child Right Protection comission a an Chairman in Kolasib a tlawh chu lawmawm a tih thu sawiin, Kolasib District in child protection chungchanga an harsatna tawh te leh vawiin a DCPO in presentation a pek a bawhzui ngai te pawh anmahni in hma an lak pui theih a awm anih chuan theihtawp chhuahsak turin a ngen bawk. DC hian POCSO case chungchang pawh sawiin, chanchinbumi lokalte hnenah pawh hemi lam hawi zawng a inzirtirna thehdarhna kawngah thei tawp a tan la turin a chah bawk a ni.

Pu Jimmy Laltlanmawia, Chairman, Mizoram State Commission for Protection of child rights pawhin thu sawiin, Mizoram State Comission for Protection of Child right chu naupang venhimna leh hamthatna ngaihtuahna tur kawnga kawng hrang hranga sawrkar thawhpuitu an ni, a ti a. Commission hnathawh dan hrang hrang sawiin, naupang chanvo kaihhnawih ah hmalak ngai hranghrangte bawhzuiin an venhimna kawng hrang hrangin an ngaihtuah bakah an hamthatna turte an enpui thin a ni, a ti.

Pu Jimmy Laltlanmawia chuan an ngaih pawimawh leh hmachhawp dangte pawh tarlangin, school drop out chu an vei hle thu sawiin, policy mumal leh tha tak a awm a pawimawh hle a ni, a ti. School a inzirtirna pawh an vei thu sawiin, school tha leh naupang tana tha a awm zel theih nana hma an lak chhoh zel thu a sawi a.

Kolasib District a POCSO case chu a ngaihmawhawm hle thu sawiin, chutih rualin a langlo ah engemawzah a awm thei a ni tiin, theihtawp a hma la turin kalkhawmte chu a ngen a . Hemi piahlamah hian Juvenile pawh thuam chak a pawimawh hle thu a tarlang bawk.

He hunah hian Kolasib SP, Pu David H Lalthangliana pawhin naupang venhimna kawnga Police te hmalakna a tarlang a. Child Protection kawngah a police ang chuan theihtawp in DCPO te an thawhpui a ni tiin, an naute pawh zirtirna leh leh fuihna an pek thin thu a sawi a.

Thla tin crime meeting an neih thinah Child Protection chungchang chu sawilan a nih thin thu sawiin, Kolasib District ah pawh Special Juvenile Protection Officer atan SDPO ruat niin, Thana tinah Child Welfare Police Officer an awm bawk a ni,a ti. Hemi bakah hian Kolasib District a naupang laka case an neih hrang hrangte a tarlang a, District Child Protection Unit te nen pawh training emaw inzirtirna Police nen tangkawpa an neih theih chuan a hlawkthlak hle dawn a ni, a ti bawk.

Kolasib District Child Protection Officer in powerpoint presentation, ‘Child protection in kolasib district: issues and challenges’ tih hmangin a pe a. Hetah hian Kolasib District a District Child Protection Unit leh District Child Protection committee hmalakna hrang hrangte tarlanna a nei a. He report a a lan dan hian Kolasib ahhian Home Pali- Audrene Scism Children home, Enna in Boys Home, Omega Centre leh Observation home te an awm a. Hetah hian naupang thahnem tak awmin , heng Home te hi remchan dan anga tlawh thin in naupangte dinhmun te enfiahna neih thin a ni a. Home piahlamah hian Non institutional service- Sponsorship, Foster Care, Adoption leh After care hmang te a kalpui thin a nih thu a tarlang bawk.

Vawiin thutkhawmna ahhian State Commission For Protection of Child Rights Chairman bakah members, Coordinator, leh counselor MSCPCR te, District Child Protection Committee member te, District Child protection Unit te, CWC leh Social welfare aiawhte, Police leh sawmbik mi pawimawhte an tel a ni.