4358/2025-2026

Lawngtlai, 9th February 2026: Vawiin khan 'State Day of Prayer' Lawngtlaia hman dan tur relin DC Conference Hall - ah thutkhawm a ni a, Lawngtlai Bawrhsap Pu Donny Lalruatsanga chuan hun a kaihruai.

Pu Donny Lalruatsanga chuan kal khawmte hnena lawmthu sawina a nei hmasa a. Kum hmasa lamah hlawk taka hman a lo nih tawh angin kuminah pawh tha taka hman a beisei thu a tarlang a. He ni hi Mizoram pumah hman tur a nih angin Lawngtlaiah pawh khunkhan taka hman a nih tur thu a sawi a ni. Bawrhsap chuan Tawngtai runpuiah Lawngtlai mipuite kal theuh turin a sawm nghal bawk.

Pu PC Biaksiama, chuan 'State Day of Prayer' aiawh lo kalte inhmelhriattirna neiin, kum danga hun hman dan tlangpui sawizauna a nei a ni.

Thutkhawmah hian Lawngtlai Distrcit - a State Day of Prayer - hman dan tur relho a ni a. Steering Committee- hruaitu thlan nghal niin, Adviser- Pu Donny Lalruatsanga, (Deputy Commissioner ), Upa C. Lalsawmzuala, CEM, LADC, Chairman - Rev. Lalsawmliana Sailo , Vice Chairman - Rev. C. Zaihmingthanga, Rev. Chatuanlalreia, Rev. Dr. Lalzarliana, Lt. Laltlingzova, Upa K. Zozamliana, Secretary - Rbt. Elvis Lalthangzuala, Asst. Secretary - Ricky VL Hmingthanzuala, AGS, CYLA, Finance Secretary - Pi A. Lalmalsawmi, Secretary, MHIP, Treasurer-Pi Vankungpuii,GS, LWA - te thlan an ni a. Steering Committee- hian hun hman dan tur kimchang an lo duang dawn a ni.

Vawiin thutkhawmah hian Lawngtlai khawpui chhunga Kohhran hrang hrang aiawh, NGO leh State Day of Prayer' Executive Committee Member- te an tel a, Pu Donny Lalruatsanga chuan lawmthu sawina neiin hun a khar.