No.4406/2020-2021

Aizawl, the 25th August 2020: Vawiin khan State Field Laboratory Unit (IDSP), Aizawl te chu sample la in an insem sawm leh a. Team khat Mobile team anga awmin Tuikual South, MINECO-Khatla, Zotlang leh FCI Godown-Ramrikawn-ah te sample lak a ni a, heng sample an laksakte hi buhfai phurtute leh contact tracing sample test bakah Emergency a sample lak ngai te an ni.

Hetih lai hian Sample Collection team hnih ten nimin ni 24.8.2020 atang khan R.Dengthuama Hall-ah leh AMC, Excise, Filling Stations leh Bank-a thawkte sample Rapid Antigen Test hmangin an laksak a, niminah sample 74 test sak an ni a, vawiinah sample 100 test ni tawhin test la kalpui mek a ni. State Field Laboratory Unit IDSP te hi an hah hle a. Chhun zan zawm tak meuh meuhin tunlai hian sample la in hun an hmang mek a ni.

LLTF & VLTF TE HNENA HRIATTIRNA

A hnuaia tarlan ang hian Zangena Petrol Pump, Ramhlun North, Aizawl tlawh tute, veng hrang hrang atangin mi 15 vel theuh sample lak hmasak tum a ni a, hemi atan hian LLTF & VLTF te list lo siam tura ngen leh hriattir kan ni a, heng a hnuaia mite hi ngaihpawimawh hmasak ni se:

1) Ni 10 & 15 Aug. 2020-a he pump a kalte
2) Ni 6.8.2020 hnu lama Zing dar 6-12Noon inkara kalte, a bik takin ni 10 & 15 Aug. 2020-a he pump a kalte leh pawisa kir dawngtute.
3) 14 &17 Aug. 2020 a kalte chu sample lak a ngai rih lo vang.