Nimin khan Ministry of Law & Justice (MoLJ) leh State Institute of Rural Development  & Panchayati Raj (SIRD & PR) tangkawpin an buatsaih Training on Legal Literacy/Legal Rights chu SIRD & PR Conference Hall-ah neih a ni. Aibawk, Thingsulthliah leh Reiek R.D. Block huam chhunga Village Council (VC)Secretary te tana buatsaih niin, VC Secretary 50 an tel a ni. He training hi nihnih awh tur niin, Protection of Women from Domestic Violence, Cyber Crime, Fundamental Rights and Duties, Human Trafficking, Divorce & Inheritance of Property Act, 2014 zirchianna te neih a ni ang.