National Bamboo Mission bul tumin vawiin khan State Level Bamboo Workshop vawi thumna chu Tourism Multipurpose Hall, Berawtlang ah neih a ni a. Environment & Forest Minister Pu H.Rohluna chu Khuallian niin he Workshop hi a hawng.
Hawnna thuchah sawiin E&F Minister Pu H.Rohluna chuan Mau chu hmakhawsang atang tawha Mizo hnam nuna bet tel tlat a ni, a ti a. Mizoram-in mau hmun a neih 7091.66 square KM atangin kum khata a thar theih zat chu metric ton maktaduai 5 lai a ni tih sawiin Pu Rohluna chuan metric ton khat zel hi Rs.1000/- chauh pawhin hralh chhuak se Mizoramin kum tin a sum lakluh theih zat tur chu vaibelchhe 2500 zet a ni dawn, a ti a. A tlawna hralh aiin thil dang siam chhuah nana hman a nihin a hlutna a sang lehzual dawn a ni, a ti a. Mau hmanga ram dinhmun chawikan kawngah sorkar leh mipui an thangharh thar zel chu lawmawm a tih thu sawiin tunah chuan Bamboo Industry puitling 10 dawn lai leh industry puitling chho mek 8 a lo awm ve ta a; Bamboo charcoal and Vinegar industry 15 bakah bamboo industry lama hma lak chhoh tum, provisional registration nei mi 300 dawn lai an awm tawh a ni, a ti a. Tun sorkar in NLUP hmanga mipui eizawnna nghet a buaipui na turah mi sing tel tan mau chin lama eizawnna bul tan sak a tum a ni, a ti bawk.
Tun tuma Bamboo workshop ah hian ‘Promotion of Bamboo Craft Industries & Marketing for Economic Upliftment of Mizoram’ tih chu thupui atan hman a ni a. State pawn lam atangin mau hmanga eizawnna lama mithiam, S.K.Nath, Joint Director, Indian Plywood Industries Research & Training Institute Bangalore; Diganta Sharma, Asst.Manager, Hindustan Paper Corporation, Panchgram; Nipan K.R.Deka, Gen.Manager, Cane & Bamboo Technology Centre, Guwahati te bakah Dr.Y.C.Tripathi, Head, Advance Research Centre for Bamboo & Ratans, Aizawl te chuan eizawnna leh sumdawnna atana mau hman tangkai dan tur chungchang hi an zirtir a ni.
Vawiin workshop ah hian technical session chhawng hnih neih a niin Pu Lalthangliana Murray, IFS, DFO aizawl leh Pu Lalrinmawia IFS, Planning Officer, E&F ten an kaihruai a. Workshop chhimtute hi naktukah Lengpui-a Zonun Mat Ply Industry, Bamboo Setum leh Sairang-a Mau Nursery te fanpui an ni ang.
Tun tuma Bamboo workshop ah hian ‘Promotion of Bamboo Craft Industries & Marketing for Economic Upliftment of Mizoram’ tih chu thupui atan hman a ni a. State pawn lam atangin mau hmanga eizawnna lama mithiam, S.K.Nath, Joint Director, Indian Plywood Industries Research & Training Institute Bangalore; Diganta Sharma, Asst.Manager, Hindustan Paper Corporation, Panchgram; Nipan K.R.Deka, Gen.Manager, Cane & Bamboo Technology Centre, Guwahati te bakah Dr.Y.C.Tripathi, Head, Advance Research Centre for Bamboo & Ratans, Aizawl te chuan eizawnna leh sumdawnna atana mau hman tangkai dan tur chungchang hi an zirtir a ni.
Vawiin workshop ah hian technical session chhawng hnih neih a niin Pu Lalthangliana Murray, IFS, DFO aizawl leh Pu Lalrinmawia IFS, Planning Officer, E&F ten an kaihruai a. Workshop chhimtute hi naktukah Lengpui-a Zonun Mat Ply Industry, Bamboo Setum leh Sairang-a Mau Nursery te fanpui an ni ang.
