Nimin khan Art & Culture Minister Pu P.C. Zoram Sangliana hovin a Office Chamber-ah State Level Coordination Committee on Cultural Heritage chu a vawikhatna atan an thukhawm.
Minister chuan tunhnaia Cheraw hmanga World Record kan siam khan, pipute rohlu humhalh leh venhimna kawngah mipui ah thanharhna thar a thlen a ni a ti. Pipute sulhnu rohlu, hmunhma awmna khuate chu hnam ro humhalh kawngah rilru zau tak pu tur leh theihtawp chhuah turin a beisei thu a sawi. INTACH leh MCO hnathawh chu fakin Minister chuan pipute infiamna leh hmanlai a lo neih dan te, sangha tlang vuak te, ngawidawh te chu humhalh tura ruahmanna siam chu tha a ti.
He meeting-ah hian tunhnaia Parliament in a pawmpui National Commission for Heritage Sites Bill, 2009 leh Ancient Monuments, Archaeological Sites and Remains (AMASR) Act, 1958, tun hnaia Parliament in a tih danglam (amend) te thlirna leh sawihona neih a ni a. Mizoram Heritage Conservation Act buaipui mek chu heng dan tharte nena a in zulzui dante zir chian rawtna thlen turin he meeting-a kalkhawmte chuan hemi buaipuitu Sub-Committee din chu tha a ti a, Art and Culture Secretary Pi B. Sairengpuii kaihhruaina hnuaiah Committee din a ni bawk a ni. Member Secretary atan Pu Lalramthanga, Secretary to Chief Minister leh Member atan Pu Lalrinsanga, IAS(Rtd) te chu ruat an ni.
He meeting ah hian Art & Culture Department, Tourism Department, Finance Department, I & PR Department aiawh, Indian National Trust for Art and Cultural Heritage (INTACH) Mizoram Chapter leh Mizoram Cultural Organization (MCO) hruaitute an tel a ni.
He meeting-ah hian tunhnaia Parliament in a pawmpui National Commission for Heritage Sites Bill, 2009 leh Ancient Monuments, Archaeological Sites and Remains (AMASR) Act, 1958, tun hnaia Parliament in a tih danglam (amend) te thlirna leh sawihona neih a ni a. Mizoram Heritage Conservation Act buaipui mek chu heng dan tharte nena a in zulzui dante zir chian rawtna thlen turin he meeting-a kalkhawmte chuan hemi buaipuitu Sub-Committee din chu tha a ti a, Art and Culture Secretary Pi B. Sairengpuii kaihhruaina hnuaiah Committee din a ni bawk a ni. Member Secretary atan Pu Lalramthanga, Secretary to Chief Minister leh Member atan Pu Lalrinsanga, IAS(Rtd) te chu ruat an ni.
He meeting ah hian Art & Culture Department, Tourism Department, Finance Department, I & PR Department aiawh, Indian National Trust for Art and Cultural Heritage (INTACH) Mizoram Chapter leh Mizoram Cultural Organization (MCO) hruaitute an tel a ni.
