Vawiin khan Sorkar laipuiin New Education Policy siam tura hma a lak mek bawhzuiin, I & PR Conference Hall-ah Education Policy thar duan mek chungchanga inrawn khawmna (State Level Consultation on New Education Policy) Higher Education bik atan vawi 2-na neih a ni a. He inrawnkhawmna hi Higher & Technical Education Commissioner & Secretary, Pu K. Lal Nghinglova’n a kaihruai a ni.

He Consultation-ah hian Higher & Technical Education hnuaia Officials te, District tina Nodal Officers leh District tin atangin Zirtirtu pakhat theuh, Mizoram Scholarship Board Secretary, MZU aiawh leh NIC aiawhte nen mi 25 an tel a ni. August ni 11, 2015 khan State Level inrawnkhawm vawi 1-na neih tawh a ni a, District Wise -a Grassroots level Consultation neih dan tur te duangin; Higher Education bik atana thupui (theme) 20 thlan chhuahte sawihona neih tawh a ni. Tun tum-ah hian District hrang hrangah Grassroots Level consultation, August 2015 chawlhkar 3-na leh 4-naa an lo neih tawh thu chhuak (Theme wise recommendations) te thlir hovin, State Level a sawiho tur bika ruat thupui (Theme) te sawi ho a ni.HengDistrictLevellehStateLevel a thupui sawiho thutlukna (Theme wise discussion decisions/recommendations) te hi MyGov.in website ah upload tur a ni. State Level Consultation tum 3-na hi October kar thumnaah neih leh tum a ni.

New Education Policy(NEP) chungchang : Kum 1986 khan Sorkar laipuiin National Policy on Education mumal tak a duang chhuak a, kum 1992 khan engemaw chen tih danglam anih hnuah vawiin thlengin hman zui a ni a. Hun lokal zelah thil tam tak a lo inthlak danglam tak avangin Education Policy thar duan chhuah a lo tul ta a. Mipuite hnenah zirna kalphung tha, thil thar hmuchhuak tura zir bingna (Innovation & Research)kal phung tha te bakah, India ram hi knowledge super power (zirna, hriatna leh thiamna kawnga mite chung en) a lo nih ngei theihna atan zirlaite hnenah skill leh knowledge an mamawh ang pek a tul a. Science and technology leh zirna in leh thilsiamna hmuna thawktu indaihlohna phuhruk anih ngei theihna turin New Education Policy tha tak duang tura hma lak mek a ni.

New Education Policysiamtur hian kawng 3-in hma lak mek a ni a, chungte chu :

1)       On line Consultation (Internet hmanga sawihona leh ngaihdan thawh theihna) MyGov.in hmangin. Hei hi 26^th January to 30^th April 2015 chhung a ni. (MyGovt = Gol's participatory governance initiative Launched by Prime Minister on 26th July, 2014. An early achievement of Digital India.  A forum for involving citizens in the public policy and governance process)

2)       Thematic Consultation - Education Field a mithiam (expert) hrang hrang te, Education Forum & Body leh Ministry of human resource development a thawk tute inrawn khawmna leh

3) Grass root level consultation (a hnuai hnung ber atanga ngaihdan thawh theihna) : State Sorkar hnuaiah chuan a hnuaihnung ber thingtlang khua atanga tanin, Block,DistrictLevellehStateLevel thlengin) inrawnkhawmna hi neih tur a ni.

Tunhma khan a chung lam atang a thuai (Top down) in Education Policy kha duan thin a ni a. Tun tumah hi chuan tunhmaa la tih ngai loh angin hnuai lam atanga tan chhoh 'bottom up' approach, mi a tam thei ang berin an ngaihdan thawh theihna leh tel theina tur (Cooperative federalism spirit) zuia hma lak a ni.

Thupui (Theme) :  New Education Policy hnuaiah hian thupui (Theme) thlan bik 33 a awm a. School Education hnuaiah thupui 13 awmin Higher Education hnuaiah theme 20 a awm thung a ni. Heng level hrang hranga sawihona leh thuchhuakte hi MyGov.in ah National Informatics Centre a State Information Officer-te nen tangrualin upload tur a ni. State hrang hrang-ah hetianga hmalak a nih hnuah Zonal meeting (zone 6-ah) a awm leh ang a, chumi hnuah National Level Meeting awm leh in kumin 2015 December thlaah chuan New Education Policy duan hi zawh fel theih beisei a ni.