1780/2025-2026

Dated Aizawl, the 8th October, 2025: Vawiin khan SAD Conference Hall, MINECO-ah State Level Nasha Mukt Bharat Abhiyaan (NMBA) – Drug-Free India Campaign meeting chu Pi Lalzarmawii, Commissioner & Secretary, Social Welfare Department, Women & Child Development kaihhruaina hnuaiah neih a ni.

He meeting-ah hian Central Sawrkarin November-a PM Meet a buatsaih tura Nasha Mukt Bharat Abhiyaan hnuaia ruihhlo dona atana hmalakna tur hrang hrangte sawiho a ni a. Member 17 kalin, sawrkar department hrang hrang aiawh te, pensioner aiawh te leh Tlawmngai Pawl aiawh te an tel a ni.

NMBA hian ruihhlo laka ṭhalaite venhim leh a ti tawhte’n enkawlna an dawn theihna tura kawng hrang hranga hmalak chu a hna pui ber a ni a. Tunah hian district zawng zawngah DC te kaihhruaina hnuaiah hma lak chhoh mek niin, November thlaah Prime Minister hovin New Delhi-ah a kharna hun neih tur a ni.

He hmalakna atana pawihmawh QR code kaltlanga intiamna/pledge lak chu mi zawng zawngin ngai pawimawh turin SWD chuan a ngen a ni.