Vawiin chawhma dar 11:00 khan Khadi & V.I. Commission leh Mizoram KVI Board buatsaih State Level PMEGP Exhibition, ni 8 awh tur chu Assembly Building Annexe ah Pu K.Lianzuala MLA ,Chairman Mizoram KVI Board chuan Khuallian ni in a hawng a Pu Kaisangzuala Jt. Chief Executive Officer in inkhawm a kaihruai a ni.
Khuallian Pu K.Lianzuala chuan thu sawiin, Khadi & V.I. Commission leh Mizoram KVI Board ten Tualchung a thil saimtu ten an thil siamchhuahte an hralh theih nan a hun remchang “Exhibition” an siam sak thin chu lawmawm a tih thu sawiin thil siamtute pawh in Rinawm taka hna thawk a, Sorkar atanga tanpuina lo kal thin te hmang thiam a, intodelh nan a hman tangkai turn tur in a chah a. KVIC leh Mizoram KVI Board ten Industry dintute hamthatna atan PMEGP Scheme hnuaia tanpuina Margin Money an pek thin chu dawng tlak a inbuatsaih tur leh, chung Margin Money te chu dinchhuah pui nan a hmang ngei turin a chah a, Pathian duh anga Rinawm tak a hna kan thawh phawt chuan kan hlawhtlin lohna tur a awm lo a ti.
Pu K.Lianzuala MLA chuan Mizoram KVI Board Chief Executive Officer atan a Department mi leh sa ngei sorkar in a dah sak chu Mizoram KVI Board Chairman a nihna angin Sorkar chungah lawmthu a sawi bawk.
He State Level PMEGP Exhibition ah hian Dawr 25 hawn a ni a, Tualchhung thilsiamtu hrang hrang in an thilsiamte phochhuak in an hralh nghal a ni. He Exhibition hian tun kar chhung a awh dawn a, he Exhibition hi tlawh ngei turin Mizoram KVI Board chuan mi zawng zawng a sawm nghal a ni.
