Directorate of Health Services (State Vector Borne Disease Control Programme) leh Directorate of SCERT tangkawpin, a vawi khat nan State Level Seminar on Malaria Awareness Campaign a buatsaih chu Vanapa Hall-ah vawiin chawhma dar 11:00 khan neih a ni a. He High School level seminar ah hian Pi Malsawmthangi, Director SCERT chu khuallian niin Dr. Ramfangzauva, Director Health Service chu Khual zahawm a ni.
Pi Malsawmthangi chuan he seminar huaihawt avanga lawmthu sawiin seminar a participants 16 zinga mipa 6 chauh an awm thu te a sawinaah mipa te tang turin fuihna thu a sawi. Mipa kan hnufual deuh chu ngaihtuah tham ah a ngai. He State Level Seminar ah hian Dr. Ramfangzauva Director Health Service chuan malaria control dan te sawiin malaria enkawl nan Doctor tak tak nilo leh bawlpuite ring mai lo turin a chah a. Tui in atangin malaria a kai theih loh thu te sawiin Malaria do ve turin ngaihthlatute a sawm tel bawk a ni.
Seminar Chairman Pu R.S. Chauhan, Deputy Director, SPW, SCERT in he seminar in a tum chu malaria chungchang in hrilhhriat a, zirtirna inpek a, malaria laka invenna hman tangkai a, hriselna kawng tha zawk a ni. Seminar on Malaria Awareness campaign hi Anti Malaria Month denchhena buatsaih a ni a. April thla tir atang khan District 8 atangin seminar hi neih a ni tawh a. District tin atanga 1 na leh 2 na te chu State Level a qualified an ni.
He seminar ah hian mithiam thlanchhuah Dr. Lalhmuchhuaka, MD Paediatric Consultant, Dr. Vanlalsawma, DMO Aizawl East leh Pu F. Lalliansanga, Science consultant te chu endik tute an ni. Seminar a 1 na - 3 na te hi Pu Lalrinliana Sailo, Minister Health in World Malaria Day naktuk ni 25th April, 2012 ah I&PR Auditorium-ah lawmman a sem ang. State Level Seminar on Malaria Awareness Campaign ah hian naupangte hi an schoool Headmaster, Headmistress leh Zirtirtuten an tawiawm tha hle a ni.
State Level Seminar on Malaria awareness result chu hetiang a ni 1st Candle Vanrempuii, Home Mission School, Aizawl ; 2nd Lalrinmawii, St. Paul HSS, Tlangnuam ; 3rd Lalrintluanga, Govt. Diakkawn H/S Kolasib
