No.625/2021-2022

Dated Serchhip, the 21st May, 2021: Vawiin hian State Level Special Investigation Team on Fire Outbreak te leh Serchhip District Level Committee on Fire Prevention member te leh official pawimawh dang ten tun hnaia Serchhip District chhunga kangmei chhuak hrang hrang chungchang Video Conference hmangin an sawi ho.

SIT member te hian tun hnaia Serchhip district chhunga ram kang lo chhuah chhan nia lang te, district thuneitute lamin ram kang an umzui dan te, ram kan chhan leh a titute man leh hrem chungchang te, ram kang thelh tura hmalak dan te, leh thil pawimawh dang an hriat duhte zawt fiahin nakin zela ram kang leh kangmei dang laka invenna rawtna hrang hrangte sawi ho zui a ni a. SIT member hriat duh te bakah thil tul dang awm ang ang te, an rawtna te District Official lamte pawhin an sawi lang hlawm a ni. Kuminah Serchhip District ah hmun 12 ah ram kang a awm a, heng zinga a nasa ber Thinglian khua leh a chhehvel phei chu mihring tana thelh mai theih a nih loh avangin IAF Helicopter hmanga  thelh a ni.

SIT on Fire Outbreak te hi an Chairman Pu RS. Sinha, IFS, Chief Conservator of Forests (Administration), leh member dangte Pu C. Lalthanmawia, Director, Fire & Emergency Services, Pu Lalthafamkima Jongte, AIG (Ops), Police Headquarters leh Pu John LT Sanga, Director, Disaster Management & Rehabilitation & SIT member Secretary te an ni a, Serchhip District official lamah hian Pu Lalmuansanga Ralte, MCS, Addl DC, Pu Stephen Lalrinawma, MPS, SP leh District Level Committee on Fire Prevention member te leh official pawimawh dangte an tel a ni.