Science Promotion Wing, SCERT, Mizoram leh NCERT, New Delhi te tangkawpin an buatsaih ni thum awh tur State Level Students Science Exhibition 2011 chu nimin khan Lawngtlaia Govt. Region Higher Secondary School Hall-ah tan a ni a. Exhibition tum 32-na hawnna inkhawm hi Pu Lalduna Chinzah, DEO, Lawngtlaiin

kaihruaiin Pu Beila Khithie, Election Officer, Lawngtlai chu Khuallian a ni a. Exhibition-ah hian Mizoram District hrang hrang atangin High School 12 an tel a ni. Khuallian Pu Beila Khithie Election Officer chuan Lawngtlaia State Level Science Exhibition hman a ni chu lawmawm a tih thu leh a buaipuitute chu fakawm a tih thu a sawi a, Zirlai naupangte chu Science thiamna hmanga ram leh khawtlang siamtha turin a chah.

Pu F.Lalliansanga, Science Consultant, SCERT chuan Report a pe a. State Level Students Science Exhibition hi kum 1979 atanga neih tan niin, tun tum hi Lawngtlaia nghah a nih tum khatna a ni a. He Exhibition-a ti tha Naupang 20 thlanchhuahte chu January 2012-a Kolkota-a Eastern Indian Science Fair-ah tirh an ni dawn a, he Exhibition atang hian 39th Jawaharlal Nehru Science Exhibition-a tel tur thlan an ni bawk ang.