Vawiin chawhma khan Department of Agriculture, Government of Mizoram leh ICAR-Indian Institute of Maize Research, Ludhiana; ICAR- National Bureau of Agricultural Insect Resources, Bengaluru tangkawp buatsaihin State Level Training Programme on Scientific Management of Fall Armyworm on Maize Crop chu SAMETI Conference Hall, Aizawl-ah hman a ni a, Pu Lalhmingthanga, Commissioner & Secretary, Agriculture & Rural Development Department chu khuallian niin, Dr. H.Saithantluanga, Director of Agriculture (Research & Extension) chuan kaih hruaina hun a hmang a ni.

Khuallian Pu Lalhmingthanga chuan Ni 8 April khan Lunglei District ah Fall Armyworm a awm tih hmuhchhuah a ni a, surveillance team ten zir chianna neiin, hmundangah pawh hmuh belh zel a nih avangin, Directorate of Plant Protection, Quarantine and Storage, Government of India in thurawn a siam angin State Level Sub-Committee din nghal a ni, a ti a. Mizoram a Fall Armyworm in thlai (maize) a tih chhiat hi Rs 7.65 crore man hu vel a chhut a ni, a ti a. Agriculture Department chuan fall armyworm inthlahpung zel tur dona kawngah hma nasa tak la in, sawrkar laipui pawhin a ngaihven a ni, tiin a sawi a. State Level Training ah hian ICAR atanga scientist lokal te hnen atanga thiamna nei turin trainee zawng zawngte duhsakna a hlan bawk a ni.

State Level Training 1st Session-ah Dr. H.Saithantluanga chuan trainees’ leh trainers te hnenah inhmelhriattirna neiin, training buaipuitute’n hlawhtling taka training an buatsaih chu lawmawm a ti a. Dr. J.C Sekhar, Principal Scientist, ICAR-IIMR, Hyderabad chuan Agriculture Department bakah KVK leh ICAR te nena hnathawh ho a pawimawh zia sawiin, Fall Armyworm chuchanga awareness neih that a pawimawh thu a sawi bawk a ni. Dr. Kesava Subaharan, Principal Scientist, ICAR-NBAIR, Bengaluru pawhin thu sawiin Fall Armyworm inthlahpung zel do nan regular monitoring chu a pawimawh hmasa ber a, seedling stage ah pawh hmalak a nih chuan thlai chhe tur a veng thei a ni, tiin a sawi bawk a ni. Pu Rohmingthanga Colney, Director of Agriculture (Crop Husbandry) chuan lawmthu sawiin, training 1st Session hi a khar a ni.

2nd Session (Technical) hi Dr.H.Saithantluanga chuan kaihruaiin, a hnuaia thupui te hi zir ho a ni:

1.    Eco Friendly Measures for Fall Armyworm Management- Dr. Kesavan Subaharan, Principal Scientist, Division of Germplasm Conservation and Utilization (ICAR-NBAIR, Bengaluru).
2.    Identification and Scouting of Fall Armyworm- Dr.S.B.Suby, Scientist (Entomology), ICAR-IIMR, Delhi Unit.
3.    Integrated Management of Fall Armyworm- Dr. J.C.Sekhar, Principal Scientist and AICRP Principal Investigator (Entomology), WNC, ICAR-IIMR, Hyderabad.
4.    Geo-referenced Recording of the FAW incidence and reporting- Dr.S.L.Jat, Scientist (Agronomy), ICAR-IIMR, Delhi Unit.
5.    Monitoring and Weather Based Pest Forewarning (Fall Armyworm: Spodoptera frugiperda) – Prospects and Potentials- Dr. Saurav Saha, Scientist (Agril. Physics), ICAR-NEH-Mizoram Centre.

3rd Session ah hian field visit leh practical demonstration neih a ni.