Sawrkar Laipui hmalakna hnuaia thingtlang mite chawikanna leh tihhmasawnna tura hmalakna ruahmanna hrang hrang te kalpui dan viltu State Level Vigilance & Monitoring Committee chu vawiin chhun dar 11:00 khan Chairman Lt. Col. (Rtd.) Z.S. Zuala, Parliamentary Secretary hovin Secretariat Conference Hall ah an thukhawm a, Pu C. L. Ruala, MP (Lok Sabha), Minister Pu Zodintluanga, Minister Pu P.C.Lalthanliana, MLA - Pu Chalrosanga Ralte bakah department kaihhnawih Secretary leh Director leh District tina Deputy Commissioner aiawh te an tel a ni.

Pu C.L. Ruala chuan thingtlang mite chawikan nana thawktu leh mawhphurtute chu an thawh that leh that lohvin thingtlang mite a nghawng zel dawn a ni tih hre renga thahnemngai taka thawk chhunzawm zel turin a fuih a.

Vawiin meeting ah hian meeting kalta lama thurel bawhzui a nih dan te an thlirlet a, heng bakah hian meeting ah hian National Rural Drinking Water Programme (NRDWP), Nirmal Bharat Abhiyan (NBA), Mahatma Gandhi National Rural Employment Guarantee Act (MGNREGA), Indira Awaaz Yojana (IAY), Pradhan Mantri Gram Sadak Yojana (PMGSY), National Social Assistance Programme (NSAP), Mizoram State Rural Livelihood Mission (MzSRLM), Integrated Watershed Management Programme (IWMP), State Institute of Rural Development (SIRD), District Rural Development Agency (DRDA), Prime Minister Empoyment Generation Programme (PMEGP) leh Border Area Development Programme (BADP) hnuaia hmalakna te an thlir ho bawk a ni.