Vawiin chawhma dar 10:30 khan Mizoram Small Farmers’ Agri-Business Consortium (Mizoram SFAC) huai hawtin Mizoram thlai thar sawngbawlna (Food processing unit) din theih dan tur sawihona ‘State Level Workshop - cum -Interface Meeting with Banks and Producers Group/Entrepreneurs’ chu Chanmari YMA Hall ah neih a ni a, he workshop hi Pu Samuel Rosanglura, Managing Director, Mizoram SFAC chuan kaihruaiin, Pu K.S Thanga, Parliamentary Secretary, Horticulture Department chu khuallian a ni.
He Workshop ah hian Venture Capital Assistance (VCA) scheme chungchang Mizoram a Bank hrang hrang hotute leh Deparment hrang hranga mithiamte nen sawihona hun tha tak neih a ni. Khuallian Pu K.S Thanga chuan ‘Mizo te hi pi pu te atanga hnam taima leh intodelh, rinawm tak a hna thawk thin kan ni. Thalai hnathawk lo va zelthel taka awm mai mai an awm ngai lo a, intodelh leh rinawm an ni thin. Keini thangthar te pawhin rimtak leh taima taka hna kan thawh chuan kan intodelh ka ring tlat a, khawvel huap pawha Company lian leh hlun te anga kan thil tihah rinawm leh dik taka kan tih chuan kan ding chhuak em em ang. Kan mihausa leh awmthei te hian Food processing lamah hian nasa leh zualin hmala in an sum te invest sela, Agri Business Project changtlung tak pawh reilote ah kan neih theih ngei kabeisei a ni,’ a ti.
‘Mizoram hi khawvela kan lan chhuaha kan intodelh theihna tur chuan contract leh supply lam chauh ngaihtuah lova agro-based industries lamah kan kal uar lehzual a ngai a, hemi atan hian Bank lam leh Central Sorkar pawh a inhawng zau em em a, keimahni n a dawnthleng kan siam phawt chuan harsatna a awm dawn lo a ni,’ a ti bawk.
‘Mizoram hi khawvela kan lan chhuaha kan intodelh theihna tur chuan contract leh supply lam chauh ngaihtuah lova agro-based industries lamah kan kal uar lehzual a ngai a, hemi atan hian Bank lam leh Central Sorkar pawh a inhawng zau em em a, keimahni n a dawnthleng kan siam phawt chuan harsatna a awm dawn lo a ni,’ a ti bawk.
