No.1645/2020-2021

Lawngtlai, Nikir thla ni 3, 2020: COVID-19 vanga inkharkhip thawh thumna kalpui mek laia Mizoram mi leh sate an lo haw theih dan tur sawrkarin ruahmanna a siam zawm lo va, phalna la lova Lawngtlai District-a lo haw ru mi 1 lakah vawiin khan First Information Report (FIR) theh luh a ni.

FIR hi Lawngtlai Police Station-ah Lawngtlai Sub-Divisional Officer (Sadar) Pu V. Lalruatliana'n a theh lut a. IPC section 188/269 leh DM Act, 2005 section 51(b) hnuaiah Lawngtlai PS Case no. 26/2020 dt. 3.6.2020 angin case ziah luh a ni.

Tuna a laka FIR an theh luh hi Lawngtlai Bazar Venga dawrkai leh khawsa niin, truck handyman anga insawiin ni 15.05.2020 khan Silchar atangin Lawngtlai a rawn pan a. Ni 17.05.2020 zing dar 10:00 velah Lawngtlai rawn thlengin, Bazar Venga an inah hawin a chhungte bulah a khawsa zui nghal a. Hemi ni la la hian hriat chhuah niin, an chhungkuain (member 5) facility quarantine tura lak nghal an ni a. An quarantine hun bi a kim hnuah ni 31.05.2020 khan mahni in lama inkhung chhunzawm tura chhuahtir an ni.

Sawrkar thupek zawm lo va, lockdown kalpui dan tur a bawhchhiat avang hian mi tam tak dinhmun hlauhthawnawmah a dah a ni tiin, a chunga dan anga hma lak chhunzawm a nih theih nan FIR hi theh luh a ni.

Attachment

  • Loading attachment...