No.1092/2020-2021 

Siaha; May ni 14: Siaha district mi leh sa state pawna tangkhang mek te an lo haw runpuia lo dawnsawn dan tur ruahmanna chak taka kalpui mek a ni.

Lockdown vawi 3 na tan hma hret  2nd & 3rd May,2020 a  State 4: Assam,Manipur, Meghalaya leh Tripura  atanga  lo haw mi 145 te kha quarantine centre 5-ah khunghran mek an ni a. Heng Quarantine Centre 5 hman mek bakah hian  Building dang 16  Quarantine Centre atan thlan fel leh tawh niin; a viltu tur staff te pawh ruat vek tawh an ni.

Zanin dar 10:00Pm  thlenga chanchin hriat thei chinah Tamil Nadu State atangin mi 131,Mipa-78 leh hmeichhia-53, Pondicherry  atangin 3; mipa--- 2 leh hmeichhia--1, an vaiin mi 134  Train in an lo haw mek a ni.