No.5392/2020-2021

Vawiin ni 24 September, 2020 khan Directorate of Women & Child Development hnuaia State Resource Centre for Women (SRCW)-te hmalaknain Zoram Medical College (ZMC) a COVID-19 hri kai hmeichhe enkawlte tan Sanitary Pad, Towel, Disinfectants leh mamawh chakkhai dangte a tul anga anlo hman turin, Pi Vanlalpianpuii, Director, Women & Child Development in Dr. H.C. Laldina, Medical Superintendent, hnenah a hlan. Hemi bakah hian, ZMC a COVID-19 vei hmeichhia, nau nei chu pawisa fai a tanpuina pek a ni bawk a ni.

Women & Child Development Department SRCW hi hmeichhe tana hmalatute an ni a, district hrang hrangah hmeichhe tanpui ngaite lo puia kawng kawh hmuh turin District Level Centre for Women (DLCW) Bawrhsap pisa-ah an awm a. An ni hnuaiah vek hian, hleihlenna tuar hmeichhiate puitu turin Women Helpline leh District tinah hmeichhe harsatna tawkte tlukluhna turin One Stop Centre leh Swadhar Greh a awm bawk a ni.