No.7453/2020-2021

Vawiin tlai  khan Mizoram Chief Secretary Pu Lalnunmawia Chuaungo kaihhruainain SAD Conference Hall, MINECO-ah State Steering Committee on COVID-19 Vaccination meeting neih a ni.

Meeting-ah hian Dr. Eric Zomawia, MD (NHM) Mizoram leh SNO, COVID-19 Vaccination ni bawk  chuan COVID-19 vaccination an neih dan thlirletna a nei a Dr. Lalzawmi, SIO, Mizoram chuan Health Care Worker (HCW) leh Front Line Worker(FLW) te hnena Vaccine an pek dan leh 2nd dose an pek dan tur PowerPoint Presentation hmangin a tar lang a ni. COVID-19 Vaccine hi first phase ah dose 18500 dawn a ni a, second phase ah dose 16500 leh third phase ah dose 30400 dawn leh tur a ruahmanna siam a ni.

Mizoram district hrang hrang ah vaccination session hi vawi 189 neih a ni tawh a, hei hi chawhruala ni khata session 15 zel nei ang a ni. Covid-19 Vaccine hi mi 16,380 dawng thei tura ruahman a ni a, heng zinga  mi 734 te chuan vaccine semna hmun kalin an dawng theilo a,  mi 5,375 vaccine la tur a kallo an awm tih tarlan a ni a.Tun dinhmunah Health Care Worker vaccination pek thatna ber chu Champhai District niin 73% hnenah pek an ni tawh a, Kolasib District chuan Health Care Worker 33% hnenah vaccine pe tawhin Mizoram district a vaccine pe tlem ber an ni a. Adverse Event Following Immunization case hi Mizoram chhungah 307 a awm tawh a, heng case awm zingah hian khawsik, taksa na, lunna leh vaccine a an chiuna laia na nei te an ni tlangpui tih tarlan a ni bawk. Dr. Lalzawmi chuan vaccination an sem chhuah lai a harsatna an tawh te tarlangin, Internet connection thalo te, CoWIN portal chianglo te, vaccine lak hlau te leh vaccine lak nghakhleh te chu an harsatna tawh tam ber a ni thu a sawi a ni. He tih lai hian vaccine hi a tha thei ang ber leh indaihzai thei ang ber a sem tuma hmalak a nih thu tarlangin, nitina vaccine sem dan sawi hoin Zoom VC an neih thin thu te leh vaccine wastage a tlem theih nan a Health Care Worker te chu PHC leh vaccine an semna hmun hrang hrang a an koh khawm thin thu a tarlang a. WHO, UNICEF leh UNDP te nen a an thawh hona a that thu tarlan bawk a ni.

Sawrkar laipui ruahmanna angin Front Line Workers Vaccination dan tur te chu-
1. Personnel from State and Central Police Department
2. Armed Forces
3. Home Guard
4. Civil Defence Organization
5. Disaster Management Volunteers
6. Municipal Workers
7. Prison Staff
8. Fire Department
9. PRI

Mizoram chhunga frontline workers vaccine dawng tura in register hi tun dinhmunah mi 27,557 an awm mek a, heng vaccine pe tur hian session 276 mamawh tura chhut niin vaccination team 70 mamawh ni a chhut a ni bawk.