No.6162/2020-2021

Dated Aizawl, the 16th October, 2020 : Vawiin ni 16/10/2020 khan a ni hnihna atan Union Minister of State for Tourism Pu Prahlad Singh Patel-a chuan State Tourism Minister te virtual meeting a neihpui. He meeting-ah hian Covid pandemic vanga tourism industry-in nasa taka tlakchhiatna a tawhte sawi hoin tourism industry siamthat lehna tura hmalak dan tur kawng hrang hrang an sawi ho.

He meeting-ah hian Mizoram Tourism Minister Pu Robert Romawia Royte pawh telin Mizoram tourism industry-in covid hripui a tawrh nasatzia sawiin Mizoram sorkar, NGOs te leh Kohhrante thawhhona a tha hle a, tun thleng hian Mizoram chu Corona avanga thi awm lohna State awm chhun niin hripui vei tlemna ber a ni a ti a. Tourism tuaithar lehna turin tourism industry-a eizawngtute hamthatna tur zawnpui dan turte bakah tourism hmasawnna tura thil pawimawh leh tul hrang hrang te Union Minister hnenah hian a thlen.

Mizoram covid dinhmun leh boruak thianghlim hian pandemic a zawh hunah khualzinten hmun him leh thianghlim a ni tih an lo hria ang a, khualzin tam zawk an lo luh beisei a ni a ti. Minister hian kumin Anthurium Festival atana Central Sorkar atanga sanction hmuh hi covid protocol zawm chunga hmangin event hrang hrangte buaitsaih niin virtual media hmanga mipuite tana buatsaih a nih tur thu a sawi.

Vawiin vek hian Tourism Officers Meeting-ah Tourism Minister hovin Virtual Anthurium Festival ropui taka hman an rel a, Central Sorkarin sum pawh a rawn sanctioned tawh a ni.