Vawiin khan   Pu J.H. Rothuama, Minister, Land,Revenue&Settlement  kaihhruaina hnuaia din Study Team For Land Revenue Bill chuan Directorate of Land & Revenue Settlement Conference Hall-ah The Mizoram Land & Revenue Bill,2008 buatsaih mek(Draft) bihchianna leh sawihona hun an nei.
Draft Committee Chairman leh Revenue Department changtu ni bawk  Minister Pu JH.Rothuama chuan Mizoram in kan hman mek Land & Revenue dante chu chipchiar leh felfai zawka siam a hun tawh tak zet thu a sawi. Draft Revenue Bill,2008 hi uluk taka bihchian leh sawiho a ni a, rawtna pawimawh tak tak pawh siam belh a ni bawk.Sawihona a ngaih pawimawh deuhte chu : 1. Land Ceiling neih ni se, ram laksak tur a awm pawhin ram laksakte chu mimal hnena pe lovin Vantlang tana tangkai thei tur a hman  ni rawh se tih te.2.Protection for local people: ram leh hmun  ram leilung fate tana humhalhna dan fel zawk a siam.3. Zoning system: hmanna tur riruat a ram bial hrang hrang a then : entirnan - Agriculture zone(Huan leh lo ram), Industrial  Zone ( thilsiamna khawl bunna hmun bik), etc. 4. Vantlang hmun tur bik siam;  entirnan - Park,  jogging tract(excercise lakna hmun),thlanmual,etc. 5.Allotment category : Ram kan pek dan enfiah( LSC nge tha Land Lease( ram luah hawh)?) 6.Land acquisition compensation: Compensation a sawrkar sum luangral hnem thin lutuk tih ziaawmna tur a dan thar siam.
    
He  Draft Mizoram Land & Land Revenue Bill,2008 Study Team a member te chu, Chairman ah Pu JH. Rothuama, Minister, LR&S,etc , Vice Chairman ah Pu John Siamkunga, MLA, Pu RL Rinawma, IRS, Commissioner& Secretary, LR&S, Pu SL Sailova, IAS (Rtd), Pu Denghnuna, IAS(Rtd),  Pu Raltawna, IAS(Rtd), Pi Marly Vankung, MJS, Addl.Secy, Law & judicial,Pu R.Lalhmangaiha, MCS, Director, LR&S leh Department Official te an ni. Draft Committee hian vawiin a rawtna lutbelh te leh danthar lo duan lawksa te zir chiang  turin thutkhawm leh thuai an rel.