No.2910/2020-2020

Vawiin chawhnu khan Sub.Hqtrs YMA Lunglei Office ah Covid19 do nana CM Relief Fund Rs Nuai 4 , Ramhlun North YMA in Rs.50,000/- leh PCI Chhinga Veng kohhranin Rs Nuai 1 Sub.Hqtrs YMA Lunglei kaltlanga an rawn pek chu YMA group 6 hnenah sem a ni .

He hun Pu Lalfakzuala Vice President Sub.Hqtrs YMA Lunglei kaihhruaiah hian Pu Lalrotluanga President Sub.Hqtrs YMA chuan hripui kan rama a lo luh loh nan a Bangladesh leh Myanmar nen a kan inrina a YMA member duty zawng zawng te chungah lawmthu sawiin YMA hian kan duty pah hian kan Identity kan hloh tur a ni lo tiin YMA sulhnu pawr a awm tur a ni lova, teirei peihna nen ram tan thawk zel ila tiin kalkhawmte a fuih a. VLTF kaltlanga YMA member te mahni a in volunteer te hi Sorkar leh Kohhran bakah mimal leh pawl hrang hrang ten hria in sum leh pai te in a umzui a, tha leh zung, sum leh pai thawhtu zawng zawng chungah Sub.Hqtrs YMA Lunglei chuan lawmthu a sawi a ni a ti.

Hetiang hian tanpuina Sub.Hqtrs.YMA Lunglei kaltlanga sum an hmuh hi an dinhmun ang a sem a ni.
1.Khawthlangtuipui Group YMA-Rs 1,40,000/-
2.Tuiphai Group YMA-Rs 1,40,000/-
3.Tuichawng Gr.YMA-Rs 30,000/-
4.S.Vanlaiphai YMA-Rs 10,000/-
5.Thorang Gr.YMA-Rs 60,000/-
6.Chhimtuipui Gr.YMA-Rs 20,000/-
Rs 1,50,000/- erawh thlaveng atan leh engemaw thut a lo awm atan CYMA te nen inrawn tlang a dah that rih a ni.

Pu Lalfakzuala Vice Pre.Sub.Hqtrs.YMA Lunglei chuan ramri a duty te hi kan ngaisangin kan zah che u a, chhungkaw tamtakin an tawngtai pui reng thu leh Mizoram him nan theihtawp chhuah zel turin a sawm.