Mizoram Assembly hnuaia Committee peng pakhat Subject Commiittee III te chuan an thurel bawhzuiin SSA leh RMSA hnuaia school naupang chawchhun pek dan chungchang zirchiang leh a hmuna endik turin an thawkchhuak dawn. An ruahman dan ang chuan Subject Committee III te hian Dampa Constituency leh Aizawl South-I bial chhung School hrang hrang an tlawh dawn a ni.

February Ni 7 hian Ailawng; Reiek; W. Lungdar; Khawrihnim; Hreichuk leh Kanghmun te an tlawh anga. January Ni 8-ah Venghlui P/S, Bible M/S leh MICE; Govt. Aizawl H/S, Republic Veng leh Republic Vengthlang School zawng zawng; College Veng P/S; SSA Sports Academy; Venghlui M/S leh Govt. Central H/S; Bethlehem Venga P/S leh M/S te an tlawh leh anga. Hemi ni vek hian chawhnu lamah an thil hmuhte thlirhovin Assembly Committee Room-ah an thukhawm nghal dawn a ni.

Subject Committee III hi Pu Lalrobiaka’n a kaihruai a, member dangte chu P.P Thawla, Hmingdailova Khiangte leh K. Liantlinga te an ni.