997/2026-2027

Aizawl; 12th June, 2026 : Aizawl District huam chhunga Local Councils 7 (pasarih) ah Local Council Seat 1 (pakhat) theuh a ruak a, chungte chu:

1)   1/3-Durtlang

2)   X/2-Zotlang

3)    X1/1-Luangmual

4)   4) XIII/1-Dawrpui Vengthar

5)   XV/1-Bungkawn

6)   XVII/2-Republic

7)   XVIII/4 Salem Veng te an ni.

Heng Local Councils seat ruak hnawhkhah nan hian Bye-Election neih tur a ni a, hemi inthlanna atan a hman tur Local Councils Bye-Election Electoral Rolls Summary Revision, 2026 a electoral roll a lut thei kum tling chin te tehfungah 01.01.2026 hman tur a ni. Local Councils Bye-Election Draft Electoral Rolls atan hian Aizawl Municipal Corporation, 2026 inthlanna neih zawh tak a AMC Electoral Rolls chu hman a ni a, chu Draft Electoral Roll chu vawiin Dt. 12.06.2026 hian Pu Vanlalrova, Addl.DC chuan  tlangzarhin; Political party aiawh  te hnenah hard copy pakhat theuh a hlan bawk. 

Aizawi District huam chhunga inbuatsaihna kalpui dan chu hetiang hi a ni:

1. Aizawl District huam chhunga Local Councils Bye-Election Draft Electoral Rolls chu ni 12.06.2026 hian mipui te en theih turin tarchhuah a ni a. Hemi ni atang hian 24.06.2026 thleng Electoral Roll atanga paih, thun thar, siamthat ngai leh insawn duhte tan dilna (claims and objections), Local Level Officer (LLO) te hnenah thehluhna hun hawn a ni ang. 

2. Ni 12.06.2026-- 24.06.2026 chhunga dilna lut chu 25.06.2026 --27.06.2026 chhungin MERO/AMERO ten an endik ang a. Hetianga an enfiah zawh hnu hian MERO/AMERO-ten thutlukna an siam fel hnuah hming thunluh ngai, paih ngai leh siamthat ngaite chu thliar hran leh a ni ang a, hemi hnu hian Data entry (Computer-a thunluh hna) thawh zui nghal char char a ni ang. 

3. Tun tum Draft Local Council Electoral Rolls-a Elector awmzat chu hetiang hi a ni:

i) 1/3-Durtlang : Mipa 1690, Hmeichhia 1983, Total = 3673

ii) X/2-Zotlang : Mipa 1121, Hmeichhia 1394, Total = 2515

iii) XI/1-Luangmual : Mipa 1729, Hmeichhia 1981, Total 3710

iv) XIII/1-Dawrpui Vengthar : Mipa 1349, Hmeichhia = 1699, Total = 3048

v) XV/1-Bungkawn : Mipa 1643, Hmeichhia 1901, Total 3544

vi) XVII/2-Republic : Mipa 1436, Hmeichhia 1763, Total = 3199

vii) XVIII/4-Salem Veng : Mipa 1944, Hmeichhia = 2224, Total = 4168 

Summary Revision of Local Council Bye-Election Electoral Rolls, 2026 hi tluang tak leh hlawhtling taka kan neih theih nan bialtu Municipal Electoral Registration Officer (MERO), Asst. Municipal Electoral Registration Officer ( AMERO) leh LLO te, Political Parties, Tlawmngai Pawl hrang hrangte leh Media te hma lakpui tur leh tawiawm turin Pu Vanlalrova, Addl DC chuan  a sawm.

Local Council E/Roll hi MLA Roll nen a hranpa a buatsaih a ni a, hemi a inthun thar, insawn (transfer) leh siamthat (correct) te hi MLA Roll atan a rin nghal theih loh a ni.

Tun Summary Revision atan a Municipal Electoral Registration Officer (MERO) chu Pi F. Lalnisai, Assistant Commissioner, Aizawl District (Ph: 7048922407) leh Asst. Municipal Electoral Registration Officer (AMERO) chu Pi Lalhriatpuii Phutin, Sub-Deputy Commissioner, Aizawl District (Ph: 8256965574) te an ni.