Dingdi nitin chanchinbu 31/8/2010 issue a "Mipui Lungawina" tih thupui hmanga Editorial thuziakah khan eirawngbawlna gas, buhfai leh chini harsat chungchangah Ministry dinglai duh khawp lohna lampang hawi zawng a thuchhuah chu Food Civil Supplies & Consumer Affairs chuan hetiang hian thil awmdan a sawifiah.
Mizoram hi buhfai, gas leh chini phai lam atanga lakluhah kan innghat a. Hei vang hian Sawrkarin theihtawp chhuahin mipui harsatna sutkian tumin hma la bawk mahsela, mihring control phak bak Rail kawng chhia, kalkawng ping/chhia leh thildang harsatna chi dang dang avangin mipui mamawh supply hi a khaihlak fo thin a ni. Hetiang harsatna hi hun hmasa lamah pawh a thleng fo thin a. Entirnan, kum 2008 May atanga October thla thleng khan vawi khatmah chini sem a ni lo tih kan hrereng awm e. Chutiang bawkin heng harsatna avang hian kum 2006-2007 ah buhfaiah harsatna nasa tak kan tawk a. Kum 2006-2007 ah khan buhfai hi engemaw ti chhung thingtlang lamah pawh 2 Kgs bak kan sem thei lova. Kuminah pawh hian June thla khan Rail kawng thla khat deuh thaw a chhia a. Tin, Supreme Court in, 'Truck-in 90 qtls. bak an phur tur a ni lo' tih order a chhuah avangin Guwahati leh Silchar (Ramnagarh) atangin buhfai a lo thleng thei lova. Bairabi Railhead-a lo thlengah chauh innghah a ni a. Vanduaithlak takin Bairabi FCI Weighbridge chhia avangin duh angin unload leh loading a chak thei lova. Tin, Bairabi kawng leh kawng dang a chhiat avang leh Bairabi khaw pawna lei a chak tawk loh avangin 120 qtls. bak PWD lamin phurh an phal lova. Heti chungin buhfai kan lo lak khawl sa leh Rail kawng a that hnu July thla atangin Sawrkarin theihtawp a chhuahna avangin buhfai bikah thingtlang lamah 3 Kgs. hapta khatah June thla atangin tun thlengin sem a ni a. Aizawl leh District khawpui dangah erawh chuan Bazar buhfai lei tur a awm theih deuh avangin a aia tlem zawka sem a ni a.
Buhfai leh ration thil dang dang te tih chingpen a nih thin avang hian supply buhfai hi Ration dawrah kan mamawh zat tun hmain a thleng kim thin lo nia hriat a ni a. Hei vang hian Sawrkarin theihtawp chhuahin buhfai, chini leh gas hralh ruk ven hna nasa takin a thawk a. Rampumah Enforcement Squad te dinin a vil reng a ni.
Kan Sawrkar leh Minister tan lakna avangin zawi zawi in gas-ah pawh kan ziaawm chho niin a lang a. Buhfai ah pawh thingtlang lam chauh ni lovin District khawpui dangah pawh tuna sem aia tam quota reiloteah sem theih beisei a ni.
Buhfai leh ration thil dang dang te tih chingpen a nih thin avang hian supply buhfai hi Ration dawrah kan mamawh zat tun hmain a thleng kim thin lo nia hriat a ni a. Hei vang hian Sawrkarin theihtawp chhuahin buhfai, chini leh gas hralh ruk ven hna nasa takin a thawk a. Rampumah Enforcement Squad te dinin a vil reng a ni.
Kan Sawrkar leh Minister tan lakna avangin zawi zawi in gas-ah pawh kan ziaawm chho niin a lang a. Buhfai ah pawh thingtlang lam chauh ni lovin District khawpui dangah pawh tuna sem aia tam quota reiloteah sem theih beisei a ni.
