Vawiin khan Food Civil Supplies & Consumer Affairs enkawltu Minister Pu John Rotluangliana’n a room ah Pahal (DBTL) chungchang ngaihvena lo kal Indian Oil Corporation (IOC), Guwahati lam hotute KK Handiq, General Manager, LPG; JK Brahma Area Manager, LPG te nen inkawmna hun an nei a. An ni hi Pu Lalngaisang Khobung, Manager Mualkhang LPG Bottling Plant leh Pu Vanlalpeka, Manager LPG Sales, Aizawl ten an tawiawm a ni. He Direct Benefit Transfer of LPG (DBTL) Scheme hi India ram district 54 ah November, 2014 khan tih tan a ni tawh a, India ram pumah January 1, 2015 atanga hman tan tura tih a ni.

LPG consumer zawng zawng tan thla thum chhung khawngaihna hun pek belh a ni a. He grace period hi a zawh hunah a tul chuan parking period pek leh a ni ang. Minister chuan Mizo mipuite Subsidy- a Gas (LPG) la duh zawng zawng Aizawl khawpui chhung leh Zokhaw lam pawh in a rang lama he scheme hi lo zawm tura Union Minister for Petroleum & Natural Gas Pu Dharmendra Pradhana’n a duh dan anga March 2015 hma ngeia Bank Account te hawnga form te tifel turin Gas Consumer zawng zawng te a ngen a ni.