Food, Civil Supplies & Consumer Affairs Minister Pu H. Rohluna chuan nimin khan Dulte leh Kawlkulh a tlawh.

Dulte khawtlang mipuiin lo hmuakin a lawmna inkhawm an buatsaihah Minister chuan thusawiin mipuite nawrna avangin sorkar chu a kal dikin a kal dik lo thei a ni a, chuvangin sorkar chu kawng dika a kal zel theih nan i tangrual ang u, a ti. Nimin vek tlai dar 3:00 khan Minister chu Kalwkulh khua a lut a, khaw mipuiten ropui takin an lo hmuak a ni. Vantlang inkhawm hmaa thusawiin Minister chuan sorkar thar chuan mi rethei leh chhumchhia te khai chhuah chu a ngaih pawimawh hmasak ber a ni, a ti.

Vawiin zing khan Minister chuan Kawlkulh Supply Godown leh sorkar hmun pawimawh te a tlawh a, Ngopa leh Mimbung lamah a kal zel dawn. Minister hi Supply Department & Forest Department officials engemawzatin an tawiawm a ni.