No.211/2020-2021

Food, Civil Supplies & Consumer Affairs Minister Pu K. Lalrinliana chuan vawiin khan COVID-19 vanga Mizoram inkharkhip (lockdown) chhunga Indian Oil Corporation Ltd. (IOCL) ten gas cylinder leh POL (petrol leh diesel) ah Mizoramin harsatna a tawh loh nana theihtawp an chhuah avangin lawmthu a sawi.

Supply Minister chuan petrol pump a thawkte, Gas cylinder semtute, Tank Lorry khalhtute leh ral hmatawnga awm te chungah lawmthu a sawi a. Engkim huamin midangte nun chhanhim nan an thawk a, ina him taka kan awm theih nan kan choka min tihnun sak reng tute an ni, tiin midangte nen inhnaih lutuk a awm lova, a theih chin chinah mahni ina tawm tur leh pawimawh tawpkhawkah lo chuan chhuakvak lo tura mipuite chahin, natna hrik chimawm tak COVID-19 hneh turin Indian Oil pasalthate nen tangrual turin mipuite a sawm a ni.