No.307/2020-2021

Vawin tlai dar 3 khan Union Minister for Consumer Affairs & Food Public Distribution Ram Vilas Paswan hovin State leh UT zawng zawng Food Minister te nen Video Conference neih a ni a. He meeting ah hian Supply Minister Pu K. Lalrinliana pawh tel ve in PMGKAY hnuaia AAY leh PHH ten a thlawna ration an lak dan leh mipui hnena sem dan tur sawi ho a ni.

Video Conference ah hian Supply Minister Pu K. Lalrinliana chuan PMGKAY allocation Mizoram a FCI FSD Godown a lo thleng te chu a rang thei ang bera thiar nghal zel a nih thu leh PMGKAY free ration April leh May thla ami tur hi April thla tawp atang sem hman a nih tur thu Union Minister hnenah hian a thlen a ni. Tun aia FCI godown atanga buhfai thiar chhuah a chak lehzual nan tuna Bairabi FSD atang chauh a phurh chhuah thei ni mek hi Mizoram a FCI FSD hmundang atang thiar chhuah a nih theih nan ruahmanna siam turin a ngen nghal a, hei hi Union Minister chuan an lo ngaihtuah nghal dawn thu a sawi. Hei bakah hian Pu K. Lalrinliana chuan non-NFSA (card var) ration card holder te tan kg 5 mipakhat theuh tan allocation siamah Kg 1 Rs 22 a State sawrkar lei theih tur a ruahmanna an siam chu lawmawm a tih thu sawiin, hei hian non-NFSA (card var) ho open market a an leisak thin, tun covid-19 hrileng avanga lei harsatna an neih tak chu engemaw chen a sutkian a beisei thu a sawi bawk. Heng bakah hian NFSA beneficiaries ten central sawrkar in ration allocation a siam sak an khamkhawp loh thin thu leh heng bak leina tur mipui tan a harsat thu sawiin, hemi atan a allocation siam belh tur in a ngen bawk a ni.