Vawiin chhun  khan New Delhi a cham mek FCS&CA Minister  Pu John  Rotluangliana chuan  Union Minister of State (IC), Petroleum & Natural Gas, Shri Dharmendra Pradhan chu a office ah hmu in  thu pawimawh  tak tak a sawipui .

Mizoram in oil & natural gas lama harsatna kan tawh thin te Pu John Rotluangliana chuan sawipuiin  Oil Depot hmantlak kan neih loh thu leh Retail Outlets (RO) a tam tawk loh avangin Assam, Meghalaya State, a bikin Cachar district ah te bandh, strike emaw hnam leh hnam kara buaina hote a thlenin petrol leh diesel ah harsatna  Mizo mipui ten kan tawk thin in, ni hnih khat aia rei a nih phei chuan nghei thei mai  dinhmunah  hial kan  awm thin thu te a thlen nghal bawk . .Heng te avang hian Oil Depot changtlung tak din ni sela, a hmun hmaah Mizoram Sawrkarin a tharin hma lak a inhuam thu  leh chu chuan hun a duh rei deuh dawn avangin IOC Ltd leh BPC Ltd., ten nikum 2014 October thlaa RO hawn na atana tender an lo koh tawh kha ngaihtuah thrat leh ni se. Retail Outlets tam zawk rang takin hawng sela, a tul anga thil tifelin final thuai se tiin rawtna a thlen  bawk.

Central Minister pawh hi a lo inhawng hle a. Oil Depot hmun tur te chu lo ruahman ni sela, eng Corporation ber nge remchang  tih te ngaihtuah a tul thu  leh  ROs chung changah pawh Hindustan, Bharat Petroleum nge Indian Oil Corporation Ltd.te pawhin an agent te thlang fel tur leh, Gas Bottling Plant hmun turah pawh hma lo lak a tiam a ni.