No.507/2021-2022 


Kolasib dated 13th May 2021: Vawiin chawhma khan Food, Civil Supplies & Consumer Affairs Department Minister Pu K. Lalrinliana, Kolasib bialtu MLA ni bawk chuan a bial chhunga Covid kaihhnawiha a ṭul apianga an hman atan Sumo pahnih Joint VC Kolasib leh Bairabi te hnenah a hlan a. Sumo hlanna hun hi Pu Lalzawmmawia, Venglai East, Kolasib chuan a kaihruai a, Kolasib Town Joint VC Vice Chairman Pu C. Roṭhuamluaia leh Bairabi Joint VC Chairman Pu R. Lalfakawma te kutah chahbi hi hlan a ni.

Heng Sumo pahnih te hi Kolasib leh Bairabi tana ruahman a ni a, diesel man atan ₹ 10,000/- ve ve hlan an nih bakah driver hlawh tur pawh Kolasib bialtu MLA Pu K. Lalrinliana hian a tum vek tur thu Pu Lalzawmmawia hian a sawi a ni. Heng Sumo te hi Covid 19 hri len tam zual laia Kolasib khaw chhunga test ngaite phurh nan te, Positive-te CCC panpui nan te leh VC-ten tul an tihna apianga tangkai taka hman tur a Supply Minister-in a ruahmansak a ni. Heng Sumo te hi hmang duh leh mamawh te chuan heng mi te hi biak theih reng an ni.

Pu Lallawmsanga Ngente Joint VC Treasurer Kolasib. Phone no. 9812170574

Pu R. Lalfakawma Joint VCP Bairabi. Phone no. 8974241393.

Attachment

  • Loading attachment...