No.3123/2021-2022
Aizawl, the 24th November 2021 : Vawiin chawhnu khan Chief Electoral Officer, District Election Officer (DC Aizawl) leh Aizawl Thunder tangkawp ten SVEEP Campaign Bikers Rally an buatsaih a. Bawngkawn Brigade Field atangin Dr Lalhriatzuali Ralte, DC Aizawl chuan a vailiam a ni.

He rally in a tum ber chu Special Summary Revision, 2022 chungchang mipui zinga tih lar a ni a. November ni 1 atanga November ni 30, 2021 chhunga electoral roll-a hming la chuang lo te inziahluh theih a ni a. Hming paih, siamthat leh insawnte hemi hun chhung hian mahni bialtu BLO ah theuh buaipui theih a ni.

He hunah hian Aizawl DC Dr Lalhriatzuali Ralte chuan electoral roll a inziahluh pawimawhna sawiin kumin November thla hun chhunga inziak lut thei te chu inziak lut vek turin a sawm a ni.