Serchhip District chhung Assembly Constituency pathuma Systematic Voters Education and Electoral Participation (SVEEP) Awareness Campaign nei turte chu Pi Sangchhin Chinzah, District  Election Officer chuan tukin zing dar 10:00 khan DC Office tual atangin a vailiam.

Pi Sangchhin Chinzah chuan, District chhung  Assembly Constituency pathum -  26^th Serchhip, 27^th Tuikum leh 28^th Hrangurzo huamchhung a  mipuiten ten kumin MLA inthlanpui lo awm tur atana inthlanna  hmanrua  Electronis Voting Machine(EVM) leh Voter-Verified Paper Audit Trail (VVPAT) te chu bel taka an lo hmelhriat  hmasak leh a rintlak  ngei ani tih an lo finfiah hmasak hi a pawimawh  ani, a ti a, inthlanna tura vote thlak chhinna (Mock Poll) ah pawh a tam thei ang berin vote lo thlak chhin theuh turin mipuite a ngen bawk.

Systematic Voters Education and Electoral Participation(SVEEP) Awareness Campaign Cum–Mock Poll hi Serchhip District chhunga khua zawng zawngah neih tura ruahman niin mipuite chuan he vote thlak chhinna/Mock Poll ah hian vote 70% chin tal an  thlak chhin ngei tura ruahman a ni.

Serchhip District chhung khaw hrang hranga Systematic Voters Education and Electoral Participation (SVEEP) Awareness Campaign Cum–Mock Poll nei tur, Sectoral  Officer leh Sectoral Police Officer te vailiamna ah hian Pu Chuauhnuna, Addl. District Election Officer te, Pu  Lalvenmhima, Election Officer te leh Pu K. Saitluanga DIPRO te an tel a ni.